তামাৰহাটত কোচৰাজবংশী জনগোষ্ঠী ঐক্য মঞ্চৰ জোৰ-সমদল।
তামাৰহাটত আজি কোচৰাজবংশী জনগোষ্ঠী ঐক্য মঞ্চৰ উদ্যোগত এক বিশাল জোৰ-সমদল অনুষ্ঠিত হয়। সন্ধিয়া হাতীধূৰা তিনি আলিৰ পৰা আৰম্ভ হৈ এই সমদলত অৰ্ধ শতাধিক পুৰুষ-মহিলাই হাতে হাতে মশাল লৈ অংশগ্ৰহণ কৰে।
সমদলটোৱে বিজেপি চৰকাৰৰ বিভিন্ন নীতি-নীতিৰ বিপক্ষে প্ৰতিবাদ জানাই “বিজেপি চৰকাৰক মুৰ্দাবাদ” আৰু “কোচ-ৰাজবংশী বিৰোধী হুচিয়াৰ” আদি নানা শ্লোগানেৰে আকাশ বতাহ কঁপাই তোলে। প্ৰতিবাদকাৰীসকলে চৰকাৰৰ প্রতি কোচৰাজবংশী জনগোষ্ঠীৰ স্বাৰ্থক উপেক্ষা কৰাৰ অভিযোগ তোলে আৰু তাত্ক্ষণিক সমাধানৰ দাবী জনায়।
এই সমদল জনগোষ্ঠীটোৰ অধিকাৰ আৰু সন্মানৰক্ষাৰ প্ৰতি এক সুদৃঢ় আহ্বান হিচাপে অভিহিত হৈছে। স্থানীয় ৰাইজৰ দীৰ্ঘকালীন সমস্যাসমূহৰ সমাধানৰ বাবে এই ধৰণৰ প্ৰতিবাদৰ পৰিস্ফুটনে আগন্তুক দিনত নীতি-নির্ধাৰকসকলক গুৰুত্বপূৰ্ণ পদক্ষেপ গ্ৰহণ কৰিবলৈ উদ্বুদ্ধ কৰিব বুলি আশা কৰা হৈছে।
