তামুলপুৰত কংগ্ৰেছ কৰ্মীৰ আম্বেদকাৰ সন্মান যাত্ৰা, উত্তাল প্ৰতিবাদঃ

কেন্দ্ৰীয় মন্ত্ৰী অমিত শ্বাহৰ পদত্যাগৰ দাবীঃ

 

 

২৪ ডিচেম্বৰঃ

 

সংসদত ভাৰতৰ সংবিধান প্ৰণেতা ডঃ ভীমৰাও বাবা চাহেব আম্বেদকাৰৰ বিৰুদ্ধে অপমান জনক মন্তব্যৰ অভিযোগ তুলি সমগ্ৰ দেশৰ লগতে তামুলপুৰতো তামুলপুৰ জিলা কংগ্ৰেছৰ সভাপতি যশোৱন্ত চৌহানৰ নেতৃত্বত বহুসংখ্যক কংগ্ৰেছ কৰ্মীয়ে আম্বেদকাৰ সন্মান যাত্ৰা কাৰ্যসূচী ৰূপায়ণ কৰি বিজেপি বিৰোধী শ্ল’গান দি উত্তাল প্ৰতিবাদ সাব্যস্ত কৰে৷

তীব্ৰ প্ৰতিবাদী কাৰ্যসূচী ৰূপায়ণৰ অন্তত তামুলপুৰ জিলাৰ জিলা আয়ুক্তৰ জৰিয়তে ভাৰতৰ ৰাষ্ট্ৰপতিলৈ এখন স্মাৰক পত্ৰ প্ৰদান কৰে ৷ স্মাৰক পত্ৰ খনত বি আৰ আম্বেদকাৰক অপমান কৰাৰ অভিযোগ তুলি কেন্দ্ৰীয় মন্ত্ৰী অমিত শ্বাহৰ পদত্যাগ দাবী কৰে । আজিৰ কাৰ্যসূচীত তামুলপুৰ জিলা কংগ্ৰেছৰ সভাপতি যশোৱন্ত চৌহানৰ উপৰিও কেবা গৰাকীও ব্লকৰ সভাপতি, সম্পাদক উপস্থিত থাকে ৷##