ৰাজীৱ শদিয়াক চিনি নাপাও বুলি কৈ অহংকাৰীৰ পৰিচয় দিছে জুবিন গাৰ্গে
জনপ্ৰিয় গায়ক জুবিন গাৰ্গে ৰাজীৱ শদিয়াৰ নামৰ ওপৰত কৰা এক বিতৰ্কিত মন্তব্যয়ে এতিয়া ৰাজ্যজুৰি সমালোচনাৰ সৃষ্টি কৰিছে। এক অনুষ্ঠানত জুবিনে ৰাজীৱ শদিয়াক চিনি নাপাও বুলি উল্লেখ কৰি তাচ্ছিল্যজনক মন্তব্য কৰে। এই মন্তব্যক লৈ বহু লোক ক্ষোভিত হৈছে।
বিশেষকৈ ছাত্ৰ মুক্তি সংগ্ৰাম সমিটিয়ে এই মন্তব্যৰ তীব্ৰ প্ৰতিবাদ জনাইছে। সংগঠনটোৱে জুবিন গাৰ্গৰ মন্তব্যক অহংকাৰী আৰু অসমীয়াৰ ইতিহাসৰ প্ৰতি অসম্মানজনক বুলি অভিহিত কৰিছে। সংগঠনৰ মতে, ৰাজীৱ শদিয়া আছিল এজন গুৰুত্বপূর্ণ ব্যক্তিত্ব, যিয়ে অসমৰ মাটি আৰু ভাষাৰ বাবে তেওঁৰ অবদান আগবঢ়াইছিল। জুবিন গাৰ্গৰ এনে মন্তব্য অসমীয়া চিন্তা-চেতনাৰ প্ৰতি এক আঘাত হিচাপে গণ্য কৰা হৈছে।
ছাত্ৰ মুক্তি সংগ্ৰাম সমিটিয়ে দাবী কৰিছে যে জুবিন গাৰ্গে ইয়াৰ বাবে জনসন্মুখত ক্ষমা খুজিব লাগে। সংগঠনৰ মতে, ই নহ’লে তেওঁলোকৰ তৰফৰ পৰা বৃহৎ প্ৰতিবাদ আৰু আন্দোলনৰ সাক্ষী হ’বলৈ সাজু থাকিব লাগিব।
ইপিনে, জুবিন গাৰ্গে এই বিষয়ে কোনো প্ৰতিক্ৰিয়া প্ৰকাশ কৰা নাই। এই ঘটনাই ৰাজ্যৰ সামাজিক মাধ্যমতো তীব্ৰ আলোড়ন সৃষ্টি কৰিছে। পৰৱৰ্তী সময়ত ঘটনা কোন দিশলৈ যায়, সেইটোৱে সৰ্বত্ৰৰ আগ্ৰহৰ কেন্দ্ৰবিন্দু হৈ
পৰিছে।
