ভূপেন বৰাক লৈ ৰাজনৈতিক উত্তাপ — বিজেপিত যোগ দিব নেকি?
অসমৰ ৰাজনীতি পুনৰ তপত হৈছে ভূপেন বৰাৰ সম্ভাৱ্য সিদ্ধান্ত লৈ। সদ্যপ্ৰাক্তন অসম প্ৰদেশ কংগ্ৰেছ কমিটিৰ (APCC) সভাপতি ভূপেন বৰাৰ বিজেপিত যোগদানৰ সম্ভাৱনাক লৈ ৰাজ্যজুৰি সৃষ্টি হৈছে জোৰদাৰ চৰ্চা। বিশেষকৈ তেওঁৰ নিজ ৰঙানদী বিধানসভা সমষ্টিত ব্যাপক আলোচনাই লাহে লাহে ৰাজনৈতিক গতি-বিধিক উষ্ণ কৰি তুলিছে।
স্থানীয় কংগ্ৰেছ আৰু বিজেপি কৰ্মী-সমৰ্থকৰ মাজত বৰাৰ ভৱিষ্যৎ পদক্ষেপক লৈ চৰ্চা সমানে তীব্ৰ। কিছুমান উৎসই দাবী কৰিছে যে ভূপেন বৰাই ইতিমধ্যে ৰাজনৈতিক ৰূপান্তৰৰ দিশে গুপ্তভাৱে প্ৰস্তুতি আৰম্ভ কৰিছে।
এই চৰ্চাৰ মাজতে, ভূপেন বৰাই কংগ্ৰেছৰ এখন হোৱাটছএপ গ্ৰুপৰ পৰা আচমকাই আঁতৰি যোৱাটো ৰাজনৈতিক মহলত নতুনকৈ সন্দেহ আৰু চৰ্চা জন্মাইছে। কংগ্ৰেছৰ ভৱিষ্যৎ পৰিকল্পনা, দলৰ ভিতৰৰ অসন্তোষ নে নতুন কৌশল? — এই প্ৰশ্নসমূহ এতিয়া গুৰুত্বপূৰ্ণ হৈ পৰিছে।
যদিও ভূপেন বৰাৰ পক্ষৰ পৰা এতিয়ালৈকে কোনো আনুষ্ঠানিক মন্তব্য নাহিল, তথাপিও এই বিষয়টোৱে অসমত ৰাজনৈতিক তাপমাত্রা নিঃসন্দেহে বৃদ্ধি কৰিছে।
👉 আগন্তুক দিনবোৰত বৰাৰ সিদ্ধান্তই অসমত ৰাজনৈতিক সমীকৰণক নতুন ৰূপ দিব পাৰে।
