তামুলপুৰ জিলা নিখিল বড়ো ছাত্ৰ সন্থাৰ দ্বিতীয় বাৰ্ষিক অধিবেশন আৰু ৩৭ সংখ্যক তামুলপুৰ আঞ্চলিক নিখিল বড়ো ছাত্ৰ সন্থাৰ অধিবেশনৰ সফল সামৰণি।
নিখিল বড়ো ছাত্ৰ সন্থাই শিক্ষা লগতে সমাজ পৰিবৰ্তনৰ বাবে কাম কৰি আহিছে—দ্বীপেন বড়ো।
তামুলপুৰ ২১ ডিচেম্বৰ।
আমি সকলো জাতি জনগোষ্ঠীয়ে সমিলমিলেৰে বিটিআৰত বসবাস কৰি আছো। নিখিল বড়ো ছাত্ৰ সন্থাই শিক্ষাৰ লগতে সমাজ পৰিবৰ্তনৰ বাবে কাম কৰি আহিছে।
ভাষণ প্ৰসংগত পুণৰ কয়— আজিৰ এই অধিবেশনৰ জৰিয়তে অনাগত দিনত নিখিল বড়ো ছাত্ৰ
সন্থাই কাম কৰি যাবলৈ সাহস পাব। নিখিল বড়ো ছাত্ৰ সন্থাই গুণগত শিক্ষাৰ বাবে কাম কৰি আহিছে। বিটিআৰৰ মুখ্য কাৰ্যবাহী সদস্য প্ৰমোদ বড়োৱে বিটিআৰত গুণগত শিক্ষাৰ বাবে কাম কৰি আছে। বড়ো ছাত্ৰ-ছাত্ৰীয়ে যি মাধ্যমত নপঢ়ক কিয় আমাৰ ছাত্ৰ-ছাত্ৰীয়ে গুণগত শিক্ষা লাভ কৰিব লাগিব তাৰ বাবে নিখিল বড়ো ছাত্ৰ সন্থাই ২০ বছৰ ধৰি কাম কৰি আহিছে। আমি বড়ো মাধ্যমৰ লগতে অসমীয়া, বঙালী, ইংৰাজী ভাষাও শিকিব লাগিব। শিক্ষাৰ পৰিবৰ্তনৰ বাবে প্ৰমোদ বড়ো নেতৃত্বাধীন চৰকাৰে খনে কাম কৰি আছে।
এটা সময়ত বিটিআৰত সংগ্ৰাম হৈছিল। এতিয়া সংগ্ৰাম নাই। এতিয়া আমি নিৰ্মাণৰ কাম কৰিব লাগিব, বিটিআৰ চুক্তি ৰূপায়ন কৰিব লাগে। কেন্দ্ৰীয় চৰকাৰক বিটিআৰ চুক্তি আখৰে আখৰে পালন কৰিবলৈও আহ্বান জনাই দ্বীপেন বড়োৱে। বিটিআৰৰ মুখ্য কাৰ্য্যবাহী সদস্য প্ৰমোদ বড়োক ধন্যবাদ জনাই ২০২০ চনত বিটিআৰ শান্তি চুক্তিৰ পিছত ৩৫ লাখ লোকে ভাতৃত্ববোধৰে জীয়াই আছো বুলি মন্তব্য কৰি বিটিআৰত এতিয়া অস্ত্ৰৰ যনজনি নাই, বড়ো অনাবড়োৰ বিভেদ নাই। আন্দোলন চলিব পাৰে কিন্তু হত্যা হিংসা নাই বিটিআৰত। আমি নিখিল বড়ো ছাত্ৰ সন্থাই হত্যা হিংসা নিবিচাৰোঁ কিন্তু কোনো জাতি জনগোষ্ঠীয়ে প্ৰাপ্যৰ পৰা বঞ্চিত হব নোৱাৰে। আমি শান্তি বিচাৰো, উন্নয়ন বিচাৰো। আমি মান মৰ্জদা সহকাৰে জীয়াই থাকিব বিচাৰো।
নিখিল বড়ো ছাত্ৰ সন্থায়ো বিগত সময়ৰ পৰা শৈক্ষিক, আৰ্থসামাজিক দিশত নিৰন্তৰ ভাৱে কাম কৰি আহিছে বুলিও মন্তব্য কৰে। তামুলপুৰ জিলা নিখিল বড়ো ছাত্ৰ সন্থাৰ ভাৰপ্ৰাপ্ত সাধাৰণ সম্পাদক মিলিওনিয়ৰ বড়োৱে আত ধৰা আৰু বড়ো সাহিত্য সভাৰ সাধাৰণ সম্পাদক নৱকান্ত গয়াৰীয়ে আনুষ্ঠানিক ভাৱে উদ্বোধন কৰা মুকলি সভাখনত বিটিআৰ মনোনীত এম চি এল এ হেমন্ত কুমাৰ ৰাভায়ো ভাষণ আগবঢ়াই।
আনহাতে ১৯ তাৰিখেৰ পৰা আৰম্ভ হোৱা অধিবেশনত আগন্তুক বৰ্ষৰ বাবে বাচিৰাম ৰামচিয়াৰীক সভাপতি আৰু জীৱনজিওক বসুমতাৰীক সাধাৰণ সম্পাদক হিচাপে লৈ তামুলপুৰ জিলা নিখিল বড়ো ছাত্ৰ সন্থাৰ সমিতি খন গঠন কৰাৰ লগতে বিকাশ বড়োক সভাপতি আৰু সৌমখৰ বড়োক সম্পাদক হিচাপে লৈ তামুলপুৰ আঞ্চলিক নিখিল বড়ো ছাত্ৰ সন্থাৰ সমিতি খন গঠন কৰা হয়। তিনিদিনীয়া এই অধিবেশনত পতাকা উত্তোলন, স্মৃতিগ্ৰন্থ উন্মোচন, কৃষি, শিক্ষাৰ ওপৰত আলোচনা কৰা হয়।
