Telegram
তামুলপুৰৰ বগৰীখুত অজগৰ সাপ উদ্ধাৰ ।
তামুলপুৰ জিলাৰ অন্তৰ্গত ২নং বগৰীখুত যোৱাকালি এক চাঞ্চল্যকৰ দৃশ্য পৰিলক্ষিত হয়, যেতিয়া স্থানীয় ৰাইজে এঘৰৰ পিছফালে এখন বাহনৰ তলত এটা ডাঙৰ অজগৰ সাপ দেখি ভয় আৰু আশ্চৰ্যতাৰে বিহ্বল হৈ পৰে।
ঘটনাস্থলীত উপস্থিত ৰাইজে তৎপৰতাৰে বন বিভাগলৈ খবৰ দিয়ে। কিছু সময়ৰ ভিতৰতে বন বিভাগৰ দল উপস্থিত হৈ সাৱধানে সাপ ডালক ধৰি উদ্ধাৰ কৰে।
প্ৰত্যক্ষদৰ্শীয়ে জনোৱা অনুসৰি, সাপডাল বহু সময় ধৰি বাহনখনৰ তলত লুকাই আছিল। ভাগ্যতে কোনো লোক বা গৃহপালিত প্ৰাণীৰ ক্ষতি হোৱা নাই।
বন বিভাগে অজগৰ সাপডাল উদ্ধাৰ কৰি ভূটান সীমান্তৰ বনাঞ্চলৰ গভীৰ অংশলৈ মুক্ত কৰি দিয়ে। এই ঘটনাই অঞ্চলটোত পুনৰ সজাগতা আৰু সচেতনতাৰ প্ৰয়োজনীয়তা আনি দিলে।
স্থানীয় ৰাইজে বন বিভাগৰ তৎপৰতা আৰু সঠিক পদক্ষেপৰ বাবে কৃতজ্ঞতা জ্ঞাপন কৰে।
