তামুলপুৰত কাইলৈ এপি চিচিৰ সভাপতি গৌৰৱ গগৈৰ পদাৰ্পণ–কংগ্ৰেছ কৰ্মীৰ মাজতে সৰ্বত্ৰে উৎসাহ-উদ্দীপনাঃ
তামুলপুৰ,১৩জুনঃ
অসম প্ৰদেশ কংগ্ৰেছ কমিটিৰ নৱ নিৰ্বাচিত সভাপতি, সাংসদ গৌৰৱ গগৈ কাইলৈ তামুলপুৰত পদাৰ্পণ কৰিব৷ যুৱ প্ৰজন্মৰ মাজত যথেষ্ট জনপ্ৰিয় সাংসদ তথা এপিচিচিৰ সভাপতি গৰাকীয়ে পোনতে প্ৰাক্তন মন্ত্ৰী পদুম বাহাদুৰ চৌহানৰ নাগ্ৰীজুলিস্থ বাস ভৱনত দিনৰ ১০:৩০ বজাত উপস্থিত হৈ স্থানীয় জ্যেষ্ঠ নাগৰিক সকলৰ সতে মতবিনিময় কৰাৰ পিছত তামুলপুৰস্থ ৰাজীৱ ভৱনত উপস্থিত হব৷ইয়াৰ পিছতে তামুলপুৰ জিলা কংগ্ৰেছ কমিটিৰ দ্বাৰা তামুলপুৰ দুৰ্গা মন্দিৰত ১১:০০ বজাত আয়োজন কৰা এক কৰ্মী সভাত উপস্থিত থাকিব ৷
তামুলপুৰ জিলা কংগ্ৰেছ কমিটিৰ সভাপতি যশোৱন্ত চৌহানে জানিবলৈ দিয়া মতে ইয়াৰ পিছতে তেওঁ এক প্ৰেছমিটত উপস্থিত থাকিব৷
৷ নৱ নিৰ্বাচিত অসম প্ৰদেশ কংগ্ৰেছ কমিটিৰ সভাপতি গৰাকীক আদৰিবলৈ ইতিমধ্যে তামুলপুৰ ৰাজীৱ ভৱন আটক ধুনীয়াকৈ সজাই পৰাই তোলা হৈছে ৷ এই লৈ কংগ্ৰেছ কৰ্মী বিশেষকৈ যুৱ কংগ্ৰেছী সকলৰ মাজত যথেষ্ট উৎসাহ উদ্দীপনা পৰিলক্ষিত হৈছে ৷##
