তামুলপুৰত বন্যহস্তীৰ আক্ৰমণত মহিলাৰ কৰুণ মৃত্যু
বাক্সা জিলাৰ তামুলপুৰত পুনৰ বন্যহস্তীৰ তাণ্ডৱ। শুই থকা অৱস্থাত এখন বন্যহস্তীয়ে আক্ৰমণ কৰি হত্যা কৰিলে এজনী মহিলাক। নিহত মহিলাগৰাকী তাৰমণি বৰ্মন বুলি চিনাক্ত কৰা হৈছে।
প্ৰাপ্ত তথ্য অনুসৰি, নিশা গভীৰতাত মহিলাগৰাকীৰ ঘৰলৈ প্ৰৱেশ কৰে বন্যহস্তীটো। ঘৰৰ বেৰ ভাঙি ভিতৰত সোমাই তেওঁক গচকি হত্যা কৰে। ঘটনাৰ খবৰ লাভ কৰা সৈতে সৈতে তামুলপুৰ বন বিভাগৰ দল ঘটনাস্থলীত উপস্থিত হয় আৰু পৰিস্থিতি নিয়ন্ত্ৰণৰ চেষ্টা কৰে।
উল্লেখযোগ্য যে, ৯ বছৰ পূৰ্বেও বন্যহস্তীৰ আক্ৰমণত নিহত হৈছিল তাৰমণি বৰ্মনৰ স্বামী। এই অঞ্চলত বন্যহস্তীৰ আক্ৰমণ নিয়মীয়া পৰিণত হৈছে, যাৰ ফলত স্থানীয় ৰাইজ আতংকিত হৈ পৰিছে। প্ৰশাসনে এতিয়ালৈকে কিবা কার্যকৰী ব্যৱস্থা গ্ৰহণ কৰিছে নে নাই, সেই বিষয়ে কোনো স্পষ্ট তথ্য পোৱা নাই।
স্থানীয় ৰাইজে বন বিভাগ আৰু প্ৰশাসনৰ ওচৰত বন্যহস্তীৰ উপদ্ৰৱ বন্ধ কৰাৰ দাবী জনাইছে।
