টংলা মহাবিদ্যালয়ৰ সোণালী জয়ন্তী উদযাপন: ১ ফেব্ৰুৱাৰীৰ পৰা ৬ ফেব্ৰুৱাৰীলৈ বৰ্ণাঢ্য কাৰ্যসূচী
উদালগুৰি জিলাৰ অন্যতম প্ৰাচীন উচ্চশিক্ষা প্ৰতিষ্ঠান টংলা মহাবিদ্যালয় এই বছৰ সোণালী জয়ন্তী উদযাপন কৰিব। ১৯৭৯ চনত প্ৰতিষ্ঠিত এই মহাবিদ্যালয়খনৰ ৫০ বছৰ পূর্তি উপলক্ষে ১ ফেব্ৰুৱাৰীৰ পৰা ৬ ফেব্ৰুৱাৰীলৈকে বৰ্ণাঢ্য কাৰ্যসূচীৰ আয়োজন কৰা হৈছে।
সোণালী জয়ন্তীৰ বিশেষ মুকলি অধিৱেশন ৬ ফেব্ৰুৱাৰী তাৰিখে অনুষ্ঠিত হ’ব। উক্ত অধিৱেশনত উপস্থিত থাকিব অসমৰ মুখ্যমন্ত্ৰী ড০ হিমন্ত বিশ্ব শৰ্মা। লগতে উপস্থিত থাকিব অসম চৰকাৰৰ মন্ত্ৰী পীয়ূষ হাজৰিকা, BTR প্ৰধান প্ৰমোদ বড়ো। সাহিত্য জগতৰ খ্যাতনামা ব্যক্তিত্ব আহোম সাহিত্য সভাৰ প্ৰাক্তন সভাপতি কুলধৰ শইকীয়াও এই অনুষ্ঠানত অংশ ল’ব।
সোণালী জয়ন্তী উপলক্ষে বিভিন্ন সাংস্কৃতিক অনুষ্ঠান, আলোচনা সভা, ক্রীড়া প্ৰতিযোগিতা, বিদ্যায়তৰ ছাত্র-ছাত্রী আৰু প্ৰাক্তন শিক্ষাৰ্থীৰ মিলন মেলা আদিৰ আয়োজন কৰা হৈছে। অঞ্চলবাসী, প্ৰাক্তন শিক্ষাৰ্থী আৰু শুভাকাংক্ষীসকলক এই অনুষ্ঠানত উপস্থিত থাকিবলৈ অনুৰোধ জনোৱা হৈছে।
