Telegram
গোৱালপাৰাৰ চটিপাৰাত অনুষ্ঠিত গাৰো জনগোষ্ঠীয় ‘ৱাংগালা মহোৎসৱ’ৰ সফল সমাপ্তি
গোৱালপাৰা জিলাৰ চটিপাৰা ৰাজহুৱা খেলপথাৰত অনুষ্ঠিত হৈছে গাৰো জনগোষ্ঠীৰ ‘ৱাংগালা মহোৎসৱ’। গাৰো ছাত্ৰ সন্থা (অসম মণ্ডল) আৰু গাৰো সাংস্কৃতিক সংঘৰ উদ্যোগত আয়োজিত এই উৎসৱ দুদিনীয়া কাৰ্যসূচীৰে অনুষ্ঠিত হয়।
উৎসৱৰ মূল আকর্ষণ আছিল গাৰো জনগোষ্ঠীৰ পৰম্পৰাগত নৃত্য-গীত। অসমৰ বিভিন্ন অঞ্চলৰ লগতে মেঘালয়ৰ পৰাও বহুসংখ্যক নৃত্য দল অংশগ্ৰহণ কৰে, যি উৎসৱক অধিক বর্ণময় কৰি তোলে।
প্ৰতি বছৰৰ দৰে, এইবাৰো ‘ৱাংগালা মহোৎসৱ’ৰ আয়োজনৰ মূল উদ্দেশ্য আছিল গাৰো জনগোষ্ঠীৰ পৰম্পৰা আৰু সংস্কৃতি নৱপ্ৰজন্মৰ মাজত প্ৰচাৰ-প্ৰসাৰ কৰা। গাৰো জনগোষ্ঠীৰ লোক জীৱন, ঐতিহ্য, আৰু সংস্কৃতিৰ সমৃদ্ধ পৰম্পৰা এই উৎসৱৰ জৰিয়তে সৰ্বসাধাৰণৰ মাজলৈ লৈ যোৱাৰ চেষ্টা কৰা হৈছে।
এইবাৰো উৎসৱৰ সফলতাই দেখুৱাইছে গাৰো জনগোষ্ঠীৰ ঐক্য আৰু সাংস্কৃতিক গৌৰৱ।
