আন্তৰ্জাতিক সমবায় বৰ্ষৰ লগত সংগতি ৰাখি সমবায় বিভাগ আৰু জিলা প্ৰশাসনৰ উদ্যোগত আজি কচুবাৰীত এখনি সজাগতা সভা
*তামুলপুৰ, ২৫ জুলাই, ২০২৫* :
সমবায়সমূহৰ জৰিয়তে কি কি কৰিব পাৰি, এইক্ষেত্ৰত চৰকাৰে দিয়া আঁচনি, স্থানীয় সামগ্ৰীৰ উৎপাদন বৃদ্ধিৰে বৈদেশিক বাণিজ্য, বেংকসমূহৰ ঋণ প্ৰদান আদিৰ বিস্তৃত বিশ্লেষণেৰে স্থানীয় বিধায়ক জলেন দৈমাৰী, বিটিচিৰ কাৰ্যবাহী সদস্য ধৰ্মনাৰায়ণ দাস, পাৰিষদ হেমন্ত কুমাৰ ৰাভা, পদ্মশ্ৰী খৰ্বেশ্বৰ বসুমতাৰী আদিয়ে নিজৰ মত ব্যক্ত কৰে। আজিৰ সভাত নাবাৰ্ডৰ জিলা উন্নয়ন বিষয়া উৎপল বেজবৰুৱা, আই চি এম, গুৱাহাটীৰ সমল ব্যক্তি ডঃ প্ৰণৱ বৈশ্য, ৰঙিয়াস্থিত এপেক্স বেংকৰ শাখা প্ৰৱন্ধক ৰণেশ্বৰ বৈশ্য, সহকাৰী আয়ুক্ত কবিতা ফাংছ’, বিষয়া-কৰ্মচাৰী, জিলাখনৰ ১১খন সমবায়ৰ লগতে সৰু সৰু সমবায়সমূহ আৰু আত্মসহায়ক গোটৰ সদস্য আদিয়ে অংশগ্ৰহণ কৰে। তদুপৰি সভাস্থলীৰ চৌহদত বিভিন্ন আত্মসহায়ক গোটৰ সদস্যই নিজৰ উৎপাদিত সামগ্ৰীৰ বিপণীও স্থাপন কৰে বুলি জনসংযোগ বিষয়া বিজয় বেজবৰুৱাই এক প্ৰেছ বিজ্ঞপ্তিযোগে জনাইছে।
