আগ্ৰহী প্ৰাৰ্থীসকলৰ বাবে ভাৰতীয় ৰেলৱেৰ নিযুক্তি অভিযান

 

 

মালিগাওঁ, ০৯ জানুৱাৰী, ২০২৫:

 

ভাৰতীয় ৰে’লৱেৰ ৰে’লৱে নিযুক্তি ব’ৰ্ডে (আৰআৰবি)বিভিন্ন মিনিষ্টেৰিয়েল আৰু আইছ’লেটেড শ্ৰেণীৰ পদৰ বাবে নিযুক্তি ঘোষণা কৰিছে। যোগ্য প্ৰাৰ্থীসকলে ৭ জানুৱাৰীৰ পৰা ৬ ফেব্ৰুৱাৰী, ২০২৫ ৰ ভিতৰত ১,০৩৬ টা খালী পদৰ বাবে নিকটতম আৰআৰবি ৱেবছাইট বা www.rrbapply.gov.in ত আবেদন কৰিব পাৰে। 

আৰআৰবি মিনিষ্টেৰিয়েল আৰু আইছ’লেটেড শ্ৰেণীৰ বাবে নিযুক্তি প্ৰক্ৰিয়াত স্নাতকোত্তৰ শিক্ষক, বিজ্ঞান পৰ্যবেক্ষক, প্ৰশিক্ষিত স্নাতক শিক্ষক, মুখ্য আইন সহায়ক, পাব্লিক প্ৰচিকিউটৰ, শৰীৰ চৰ্চাৰ প্ৰশিক্ষক, বৈজ্ঞানিক সহায়ক, কনিষ্ঠ অনুবাদক, জ্যেষ্ঠ প্ৰচাৰ পৰিদৰ্শক, কৰ্মচাৰী আৰু কল্যাণ পৰিদৰ্শক, লাইব্ৰেৰিয়ান, সংগীত শিক্ষক, প্ৰাথমিক ৰেল শিক্ষক, পৰীক্ষাগাৰ সহায়ক আৰু পৰীক্ষাগাৰ সহায়ক গ্ৰেড-III শ্ৰেণীৰ দৰে পদ আছে। আৱেদনকাৰীসকলে পদসমূহৰ বাবে আৱশ্যকতাৰ ওপৰত নিৰ্ভৰ কৰি দ্বাদশ শ্ৰেণী, স্নাতক বা স্নাতকোত্তৰ সম্পূৰ্ণ কৰিব লাগিব। আৱেদনকাৰীসকলৰ বয়স কমেও ১৮ বছৰ হ’ব লাগিব। নিৰ্দিষ্ট পদৰ ওপৰত ভিত্তি কৰি বয়সৰ সীমা পৃথক হব, বয়সৰ উচ্চ সীমা হৈছে ৪৮ বছৰ।

আৰআৰবি মিনিষ্টেৰিয়েল আৰু আইছ’লেটেড শ্ৰেণীৰ বাবে নিযুক্তি প্ৰক্ৰিয়াত একক পৰ্যায়ৰ কম্পিউটাৰ-আধাৰিত পৰীক্ষা (চিবিটি) অন্তৰ্ভুক্ত আছে, তাৰ পিছত নিৰ্দিষ্ট পদৰ বাবে আৱশ্যক অনুযায়ী দক্ষতা পৰীক্ষা লোৱা হয়। সকলো যোগ্য প্ৰাৰ্থীয়ে দেশৰ বিভিন্ন চহৰত অনুষ্ঠিত হ’বলগীয়া এই বাছনি পৰীক্ষাসমূহত উত্তীৰ্ণ হব লাগিব। 

 

ভাৰতীয় ৰে’লৱেই কৰ্মসংস্থান সৃষ্টিৰ জৰিয়তে দেশৰ যুৱপ্ৰজন্মক সৱলীকৰণ কৰাৰ লক্ষ্যৰ প্ৰতি প্ৰতিশ্ৰুতিবদ্ধ। লক্ষণীয় যে, ২০১৪-২০২৪ বৰ্ষত ভাৰতীয় ৰে’লৱেই প্ৰায় ৫ লাখ কৰ্মচাৰীক নিযুক্তি প্ৰদান কৰিছিল। যদিও পূৰ্বৰ দশকত (২০০৪-২০১৪) মাত্ৰ ৪ লাখ কৰ্মচাৰীহে নিয়োগ কৰা হৈছিল। ই পূৰ্ব দশকৰ তুলনাত ভাৰতীয় ৰে’লৱেৰ দ্বাৰা প্ৰদান কৰা নিযুক্তিৰ ২৫% বৃদ্ধি চিহ্নিত কৰিছে। নতুন পদৰ নিযুক্তি ব্যৱস্থাই অৰ্থনৈতিক বিকাশ, অৰ্থপূৰ্ণ নিযুক্তিৰ সুযোগ প্ৰদান আৰু দেশৰ প্ৰগতিত অৰিহণা যোগোৱাৰ প্ৰতি ৰে’লৱেৰ একনিষ্ঠতাক প্ৰতিফলিত কৰে। ভাৰতীয় ৰে’লৱেই ৰাষ্ট্ৰীয় উন্নয়নৰ স্তম্ভ হিচাপে কাম কৰি আহিছে, যাতে প্ৰতিটো পদক্ষেপে সমগ্ৰ দেশৰ নাগৰিকসকলৰ বাবে নতুন সুযোগ আনিব পাৰে। 

 

ৰে’ল প্ৰশাসনে যোগ্য প্ৰাৰ্থীসকলক চাকৰিৰ ৰেকেট, দালাল আৰু মধ্যস্থতাকাৰীৰ প্ৰতি সতৰ্ক হ’বলৈ আহ্বান জনাইছে যাতে কোনো ধৰণৰ ফান্দত পৰিব লগা নহয়।