অসম সন্তান ড° ৰাজীৱ গগৈৰ সাফল্যৰ গল্প: আন্তঃৰাষ্ট্ৰীয় পৰ্যায়েৰে গৱেষণাৰ স্বীকৃতি
অসমৰ পটভূমি উজলোৱা বিজ্ঞানী ড° ৰাজীৱ গগৈৰ সৈতে জড়িত। তেখেতে ২০১২ চনৰ পৰা উত্তৰ-পূৰ্বাঞ্চলৰ বিভিন্ন ঠাইত গৱেষণা কৰি এতিয়ালৈকে ২০টাতকৈ অধিক ডেম-ডেউকাৰ (Impatiens L.) প্ৰজাতি আৱিষ্কাৰ কৰিবলৈ সক্ষম হৈছে। ড° গগৈৰ এই গৱেষণাই কেৱল ভাৰতৰ নহয়, আন্তঃৰাষ্ট্ৰীয় পৰ্যায়ত বিষয়টোক এক উচ্চতালৈ লৈ গৈছে।
তেখেতৰ এই উল্লেখযোগ্য গৱেষণাৰ বাবে ছুইজাৰলেণ্ডৰ পৰা প্ৰকাশিত বিশ্বৰ আগশাৰীৰ আলোচনী MDPI-Horticulture-এ বিশেষ স্বীকৃতি প্ৰদান কৰিছে। উল্লেখযোগ্য বিষয় এই যে, ১৯৪৭ চনৰ পৰা ২০২৩ চনলৈকে ডেম-ডেউকাৰ গৱেষণাৰ ক্ষেত্ৰত বিশ্বৰ ভিতৰত ড° গগৈ চতুৰ্থ স্থান দখল কৰিবলৈ সক্ষম হৈছে। তেখেতৰ নেতৃত্বত থকা দলটোৱে কৰা এই সাফল্যৰ বাবে ‘বটানিকেল ছাৰ্ভে অৱ ইণ্ডিয়া’কো বিশ্বৰ ভিতৰত পঞ্চম সৰ্বোত্তম গৱেষণা প্ৰতিষ্ঠানৰূপে স্বীকৃতি দিয়া হৈছে।
ড° ৰাজীৱ গগৈৰ এই সফলতা কেৱল এজন ব্যক্তিগত অধ্যৱসায়ৰ ফল নহয়; ই অসমৰ বিজ্ঞান-গৱেষণা ক্ষেত্ৰৰ এক অভিলেখ। ড° গগৈৰ দীৰ্ঘদিনীয়া প্ৰচেষ্টা আৰু গৱেষণাত দলটোৰ একাগ্ৰতাৰ বাবে অসমৰ নাম আন্তঃৰাষ্ট্ৰীয় মঞ্চত উজলাই উঠিছে।
অসমৰ গৱেষণাৰ শক্তিক বিশ্বমঞ্চত প্ৰতিষ্ঠা কৰা ড° গগৈকঅসমৰ জনগণ লগতে অসমৰ মুখ্যমন্ত্ৰী হিমন্ত বিশ্ব শৰ্মাই তেওঁৰ এই সাফল্যৰ বাবে আন্তৰিক অভিনন্দন জনাই।
