অবৈধ বাংলাদেশীৰ বিৰুদ্ধে আৰক্ষীৰ বৃহৎ অভিযান: নিউ বঙাইগাঁওত ৮ জন ধৰা পৰিল
নিউ বঙাইগাঁও ৰেইলৱে ষ্টেচনত আজি আৰক্ষীৰ অভিযানত ধৰা পৰিছে অবৈধভাৱে ভাৰতত প্ৰৱেশ কৰা ৮ জন বাংলাদেশী নাগৰিক। বিশেষ সূত্ৰৰ ভিত্তিত বঙাইগাঁও আৰক্ষীয়ে চলোৱা এই অভিযানত, সন্দেহজনক ৰূপত ষ্টেচনত ঘুৰি ফুৰি থকা লোকসকলক জিজ্ঞাসাবাদৰ পাছত ধৰা পৰে যে, তেওঁলোকে কোনো বৈধ নথিপত্ৰ নথকাৰ অৱস্থাত সীমান্ত পাৰ হৈ ভাৰতত প্ৰৱেশ কৰিছে।
সূত্ৰ অনুসৰি, এই দলটোৱে মেঘালয় সীমান্ত হৈ বাংলাদেশৰ পৰা ভাৰতত প্ৰৱেশ কৰিছিল আৰু বঙাইগাঁও হৈ আন ঠাইলৈ যাবলৈ চেষ্টা কৰিছিল। তেওঁলোকে কেনেদৰে সীমান্ত পাৰ হ’ল, কাক লগ পাই সহায় ল’লে—ই সকলো সন্দৰ্ভত বৰ্তমান আৰক্ষীয়ে গভীৰ অনুসন্ধান আৰম্ভ কৰিছে।
আসাম আৰক্ষীৰ বিশেষ গোট আৰু গোচৰ খণ্ডই এতিয়া এই ঘটনাৰ সৈতে সম্পৃক্ত যিকোনো আন্তঃৰাষ্ট্ৰীয় চোৰাংকাৰী নেটৱৰ্কৰ সন্ধানত আছে। ধৃত সকলক আজি আদালতত পেশ কৰা হ’ব আৰু তেওঁলোকৰ বিৰুদ্ধে বৈধ পদক্ষেপ গ্ৰহণ কৰা হ’ব বুলি আৰক্ষীসূত্ৰে জানিবলৈ দিছে।
এই ঘটনাই পুনৰ এবাৰ চিগনেল দিয়ে যে অবৈধ অনুপ্ৰৱেশ ৰোধত সীমান্তৰ সুৰক্ষাৰ ক্ষেত্ৰত অধিক কঠোৰ ব্যৱস্থা গ্ৰহণ কৰা প্ৰয়োজন।
