শ্ৰী সত্যসাই Unity Run – তামুলপুৰলৈ আগমন
গুৱাহাটী পাৰ হৈ আজি তামুলপুৰত আহি উপস্থিত হৈছে এক বিশেষ অভিযান — শ্ৰী সত্যসাই Unity Run। একতাৰ আত্মা আৰু সম্প্ৰীতিৰ বাণী লৈ দেশব্যাপী চলি থকা এই অনুষ্ঠান শীঘ্ৰেই অনুষ্ঠিত হ’ব অসমত। ভগৱান শ্ৰী সত্যসাই বাবাৰ অৱতাৰৰ শতবৰ্ষ উপলক্ষে শ্ৰী সত্যসাই সেৱা সংগঠন, ভাৰতে আয়োজন কৰিছে এই বিশেষ কাৰ্যসূচী।
এই Unity Run কেৱল এটা দৌৰ নহয়, ই হৈছে এক সামাজিক আন্দোলন যি সকলো ধৰ্ম, ভাষা, অঞ্চল আৰু জাতিৰ সীমাৰেখা ভাঙি একতাৰ বোধ জাগ্ৰত কৰিবলৈ আগবাঢ়িছে। সকলো বয়সৰ আৰু সকলো পৃষ্ঠভূমিৰ লোকৰ বাবে উন্মুক্ত এই অনুষ্ঠানত কোনো প্ৰৱেশ মাচুল নাই।
২০২৫ চনৰ ১৭ আগষ্টত পুত্টাপৰ্থিৰ প্ৰশান্তি নিলয়মত আনুষ্ঠানিকভাৱে আৰম্ভ হোৱা এই অভিযান ২০২৬ চনৰ ২৪ এপ্ৰিলত অৰাধনা দিৱসত সমাপ্ত হ’ব। এই সময়ছোৱাত দেশজুৰি পাঁচটা ডাঙৰ ৰুটৰ মাজেৰে প্ৰায় ৬০ টা একতা ৰান আৰু চাইকেল ৰাইড অনুষ্ঠিত হ’ব। লগতে প্ৰতিদিনে প্ৰতিটো সত্যসাই কেন্দ্ৰৰ পৰা ৱাক ফৰ ভেল্যুজ আয়োজন কৰা হ’ব আৰু আন্তঃধৰ্মীয় সম্প্ৰীতিৰ প্ৰতীক ৰূপে জ্বলি উঠিব দিৱ্য প্ৰেম জ্যোতি (দিয়াং)।
ভাৰত চৰকাৰৰ Fit India Movement এওঁ এই দেশব্যাপী অভিযানত সহায়তা আগবঢ়াইছে।
তামুলপুৰত অনুষ্ঠিত এই বিশেষ সংস্কৰণত অংশগ্ৰহণ কৰিবলৈ ইতিমধ্যে বহু সংখ্যক যুৱক-যুৱতী, শিক্ষাৰ্থী, পৰিয়াল, ব্যৱসায়ী আৰু সমাজৰ নেতৃত্বসকলে আগ্ৰহ প্ৰকাশ কৰিছে।
এই অভিযানৰ মুখ্য দৰ্শন হৈছে “Spirit of Unity” (একতাৰ আত্মা), যি ভগৱান শ্ৰী সত্যসাই বাবাৰ মূল বাৰ্তা “একমাত্ৰ এটা জাত – মানুহৰ জাতি, একমাত্ৰ এটা ধৰ্ম – প্ৰেমৰ ধৰ্ম” ৰ সৈতে একেবাৰে সঙ্গতিপূর্ণ।
অভিযানৰ অন্তত আয়োজকসকলে বিভিন্ন সেৱামূলক কাৰ্যসূচীও আয়োজন কৰিব, যাৰ জৰিয়তে ভগৱান সত্যসাই বাবাৰ নিৰ্মল বাণী — একতা, সম্প্ৰীতি আৰু নিঃস্বাৰ্থ সেৱাৰ প্ৰকৃত উদ্দেশ্য পুনৰ প্ৰতিষ্ঠা কৰা হ’ব।
