ফেমিনা ইণ্ডিয়াৰ মেগাজিনৰ মুকলি পৃষ্ঠাত স্থান পালে অসমৰ প্ৰথমগৰাকী মহিলা পেৰাট্ৰুপাৰ মেজৰ দ্বীপান্বিতা কলিতা
অসমৰ স্বাভিমান! ধেকিয়াজুলিৰ (জিলা – শোণিতপুৰ) গৰ্ব, মেজৰ দ্বীপান্বিতা কলিতাই মহিলা পেৰাট্ৰুপাৰ হিচাপে ইতিহাস গঢ়াৰ পিছত এতিয়া নতুনকৈ অনুপ্ৰেৰণাৰ উৎস হৈ উঠিছে। তেওঁক লৈ প্ৰকাশ পাইছে ফেমিনা ইণ্ডিয়াৰ মুকলি পৃষ্ঠা, য’ত মেজৰ কলিতাৰ উপৰি কৰ্ণেল ছফিয়া কুৰেশী আৰু ভাৰতীয় সেনাৰ আন ৮ গৰাকী মহিলা বিষয়া স্থান পাইছে।
এই বিশেষ আৱৰণখনে “বীৰাংগনা: ৰাষ্ট্ৰৰ ৰক্ষাৰ দায়িত্বত থকা মহিলাসকল” শীৰ্ষক শিৰোনামৰ অধীনত মহিলা সেনা বিষয়াসকলৰ অসাধাৰণ যাত্ৰা, সাহসিকতা আৰু নেতৃত্বগুণক উদযাপন কৰিছে।
মেজৰ দ্বীপান্বিতা কলিতা ভাৰতীয় সেনাৰ এলিট পেৰাট্ৰুপাৰ উইংত কৰ্মৰত। তেওঁ যুঁজৰ মুৰত থকাসকলৰ অন্যতম, যিয়ে এয়াৰব’ৰ্ণ অপাৰেচন, ইঞ্জিনিয়াৰিং, লজিষ্টিক্স আৰু ইনফেণ্ট্ৰি সহায় আদিত অনন্য অৱদান ৰাখিছে।
সেনা বিভাগৰ পৰা অহা এইগৰাকী ছোৱালীয়ে কেৱল অসমবাসী নহয়, সমগ্ৰ দেশবাসীৰ বাবে অনুপ্ৰেৰণাৰ আধাৰ। তেওঁলোকৰ সাহসিকতা, অধ্যৱসায় আৰু আত্মনিবেদনই দেশৰ বিকাশ আৰু সুৰক্ষাৰ ক্ষেত্ৰত এক নতুন যুগৰ সূচনা কৰিছে।
জয় হিন্দ! জয় অসম!
