মহানগৰীৰ বশিষ্ঠ থানাৰ সমীপত ভয়ংকৰ দুৰ্ঘটনা

 

গুৱাহাটী মহানগৰীৰ বশিষ্ঠ থানাৰ সমীপত সংঘটিত হৈছে এক ভয়ংকৰ দুৰ্ঘটনা। এখন ইন’ভা বাহনে নিয়ন্ত্ৰণ হেৰুৱাই একেলগে তিনিখনকৈ বাহন মহটিয়াইছে। প্ৰথমে এখন চাৰিচকীয়া বাহনক খুন্দা মাৰে ইন’ভা খনে। তাৰ পাছত এনেকৈয়ে আন দুইখন বাহনত খুন্দা মাৰি ঘটনাস্থলীত এক আতংকৰ পৰিস্থিতি সৃষ্টি কৰে।

 

দুৰ্ঘটনাৰ ফলত তিনিখন বাহনৰ লগতে পথত চলা কিছু মানুহেও আঘাত পায়। আঘাতপ্ৰাপ্তসকলক ততাতৈয়াকৈ চিকিৎসালয়লৈ প্ৰেৰণ কৰা হৈছে। বৰ্তমান তেওঁলোকৰ অৱস্থা স্থিতিশীল বুলি জানিব পৰা গৈছে।

 

পৰিস্থিতি নিয়ন্ত্ৰণত আনিবলৈ আৰক্ষীয়ে তৎপৰতাৰে কাম কৰি গৈছে। পথটোত যান-জঁটৰ সৃষ্টি হোৱাৰ পাছত আৰক্ষীয়ে যানবাহন চলাচল সুস্থিৰ কৰাৰ ব্যৱস্থা গ্ৰহণ কৰে।

 

প্ৰত্যক্ষদৰ্শীৰ মতে, ইন’ভা বাহনৰ চালক খুব বেগত গাড়ী চলাই আছিল। তদুপৰি চালকজন সম্ভৱত মাদকাসক্ত অৱস্থাত আছিল বুলি সন্দেহ প্ৰকাশ কৰিছে। এই সন্দৰ্ভত আৰক্ষীয়ে তদন্ত আৰম্ভ কৰিছে আৰু চালকজনক জেৰা কৰা হ’ব বুলি জানিব পৰা গৈছে।

 

এই ঘটনাই মহানগৰীবাসীক পুনৰ গাড়ী চলোৱাৰ সময়ত সাৱধান হোৱাৰ আহ্বান জনাইছে। দ্রুতগতিত আৰু অসাৱধানতাৰে গাড়ী চলোৱাৰ ফলত এনেধৰণৰ দুৰ্ঘটনা হ’ব পাৰে বুলি সতর্ক কৰে আৰক্ষীয়ে।