কৰ্মচাৰী কল্যাণৰ নতুন যুগৰ সূচনা: ‘স্বাগত সতীৰ্থ’ প’ৰ্টেলৰ শুভাৰম্ভ

 

২০২৫ বৰ্ষৰ পহিলা দিনটোত কৰ্মচাৰী কল্যাণৰ এক নতুন অধ্যায়ৰ সূচনা হ’ব। আমাৰ ৰাজ্যৰ তৃতীয় আৰু চতুৰ্থ শ্ৰেণীৰ কৰ্মচাৰীসকলৰ দীৰ্ঘদিনীয়া দাবী পূৰণ কৰি এক যুগান্তকাৰী পদক্ষেপ ৰূপে পাৰস্পৰিক বদলিকৰণৰ বাবে বিশেষ প’ৰ্টেল ‘স্বাগত সতীৰ্থ’ উৎসৰ্গা কৰা হ’ব।

 

এই প’ৰ্টেলৰ শুভাৰম্ভৰ মাধ্যমেৰে চৰকাৰৰ উদ্দেশ্য হ’ল, কৰ্মচাৰীসকলৰ জীৱন সহজ আৰু সুশৃংখল কৰা। প’ৰ্টেলটোৱে তৃতীয় আৰু চতুৰ্থ শ্ৰেণীৰ কৰ্মচাৰীসকলক পাৰস্পৰিক বদলিৰ বাবে আবেদন দাখিল, অনুমোদন আৰু প্ৰক্ৰিয়া সম্পন্ন কৰিবলৈ ডিজিটেল মঞ্চ যোগান ধৰিব।

 

‘স্বাগত সতীৰ্থ’ৰ সুবিধাসমূহ:

সহজ আৰু চুড়ান্ত প্ৰক্ৰিয়া: কৰ্মচাৰীয়ে এখন স্থানৰ পৰা আনখন স্থানলৈ বদলিৰ প্ৰস্তাৱ অনলাইনযোগে দাখিল কৰিব পাৰিব।

স্বচ্ছতা আৰু ন্যায়নীতি: বদলিৰ প্ৰক্ৰিয়া পূৰ্ণৰূপে স্বচ্ছ আৰু ন্যায়নিষ্ঠ হ’ব।

 

 

সময়ৰ সঞ্চয়: অনলাইন প’ৰ্টেলৰ জৰিয়তে সময়ৰ অপচয় হ্ৰাস পাব আৰু শাৰীৰিক যাতায়ত কমিব।

প্ৰযুক্তিবান্ধৱ ব্যৱস্থা: ডিজিটেল পদ্ধতিৰ সজজলভ্যতাৰ বাবে কৰ্মচাৰীসকলৰ বাবে সহজ হ’ব।

এই পদক্ষেপ চৰকাৰৰ কৰ্মচাৰী কল্যাণৰ বাবে আন্তৰিক প্ৰয়াসৰ প্ৰতিফলন। বদলিকৰণৰ প্ৰক্ৰিয়াতকৈ মনোবাঞ্ছিত স্থান লাভ কৰিবলৈ তৃতীয় আৰু চতুৰ্থ শ্ৰেণীৰ কৰ্মচাৰীসকলে বহু বছৰ ধৰি প্ৰতীক্ষা কৰিছিল। ‘স্বাগত সতীৰ্থ’ৰ উদ্বোধনে তেওঁলোকৰ সেই আশা পূৰণ কৰিব।

 

তথ্য প্রযুক্তিৰ সঠিক ব্যৱহাৰে কৰ্মচাৰীৰ দৈনন্দিন জীৱন সহজ কৰি তোলা আৰু তেওঁলোকৰ কর্মক্ষেত্ৰৰ পৰিসৰ উন্নত কৰাৰ লক্ষ্যৰে এই নতুন প’ৰ্টেল আগবঢ়োৱা হৈছে। আশা কৰা হৈছে যে, ‘স্বাগত সতীৰ্থ’ এক সফল উদাহৰণ হিচাপে পৰিগণিত হ’ব।

 

২০২৫ বৰ্ষৰ শুভাৰম্ভত এই উদ্যোগ সকলোতকৈ ইতিবাচক পদক্ষেপ হিচাপে বিবেচিত হ’ব।