ডিগবৈত বনৰীয়া হাতীৰ আক্ৰমণত এজনৰ মৃত্যু

 

ডিগবৈৰ নাজিৰাটিং তামুলী বন গাঁৱত আজি ভয়ংকৰ ঘটনা সংঘটিত হৈছে। গাঁৱখনৰ বাসিন্দা মতেশ্বৰ মৰাণ নামৰ এজন ব্যক্তিৰ মৃত্যু হয় বনৰীয়া হাতীৰ আক্ৰমণত।

 

সূত্ৰ মতে, মতেশ্বৰ মৰাণ বনাঞ্চলৰ পৰা শাক-পাত বুটলিবলৈ গৈছিল। তেতিয়াই হাতীৰ এক দলৰ আক্ৰমণত তেওঁ মৃত্যুবৰণ কৰে।

 

ঘটনাৰ খবৰ পোৱাৰ লগে লগেই ডিগবৈ আৰক্ষী আৰু বন বিভাগৰ দল ঘটনাস্থলীত উপস্থিত হৈ মৃতদেহ উদ্ধাৰ কৰে।

 

এই আক্ৰমণৰ ফলত অঞ্চলটোত ভয় আৰু আতংক সৃষ্টি হৈছে। স্থানীয় ৰাইজে বন বিভাগক অতি শীঘ্ৰে হাতী-মানুহ সংঘাত নিয়ন্ত্ৰণৰ বাবে প্ৰয়োজনীয় পদক্ষেপ গ্ৰহণৰ আহ্বান

জনাইছে।