ৰাজভৱনত ৰাজ্যপাল লক্ষ্মণ প্ৰসাদ আচাৰ্যৰ বৈঠক।
ৰাজ্যপাল লক্ষ্মণ প্ৰসাদ আচাৰ্যই ৰাজ্যৰ বিশ্ববিদ্যালয়সমূহৰ উপাচাৰ্য আৰু উচ্চ শিক্ষা প্ৰতিষ্ঠানসমূহৰ মুৰব্বীসকলৰ সৈতে ৰাজভৱনত এক গুৰুত্বপূর্ণ আলোচনাত মিলিত হয়।
এই বৈঠকৰ লক্ষ্য আছিল শিক্ষাৰ গুণগত মান উন্নয়ন, নৱ উদ্ভাৱনী পৰিকল্পনা আৰু শিক্ষাৰ ক্ষেত্ৰত সামগ্রীক উন্নয়নৰ পথৰ সন্ধান কৰা। উচ্চ শিক্ষাৰ ক্ষেত্ৰত উদ্ভৱ হোৱা সমস্যা, নতুন প্ৰযুক্তিৰ ব্যৱহাৰ আৰু শিক্ষাৰ ক্ষেত্ৰত দীৰ্ঘকালীন উন্নয়নক ধৰি বিভিন্ন বিষয়ৰ ওপৰত আলোচনা কৰা হয়।
উল্লেখযোগ্যভাৱে, উচ্চ শিক্ষাৰ ক্ষেত্ৰত গৱেষণা আৰু বিকাশৰ ওপৰত বিশেষ গুৰুত্ব আৰোপ কৰা হৈছে। শিক্ষাৰ গুণগত মান আৰু শিক্ষাৰ লগত সম্পৰ্কিত সংস্থাসমূহৰ ভিতৰত সহযোগিতাৰ বাবে নতুন পৰিকল্পনা প্ৰস্তুত কৰিবলৈও উপদেশ দিয়া হয়।
উচ্চ শিক্ষাৰ ক্ষেত্ৰত ৰাজ্যৰ বিশ্ববিদ্যালয়সমূহৰ ভূমিকা আৰু জাতীয় শিক্ষানীতিৰ সফল প্ৰয়োগৰ ক্ষেত্ৰত কি ধৰণে আগবাঢ়িব পাৰি সেয়াও বৈঠকত গুৰুত্ব সহকাৰে আলোচনা কৰা হয়।
এই বৈঠকৰ দ্বাৰা উচ্চ শিক্ষাৰ ক্ষেত্ৰত নতুন দিশ সৃষ্টিৰ আশা কৰা হৈছে।