২৪ বাহিনী এছএছবিৰ উদ্যোগত হাতী মানুহৰ সংঘাতৰ ওপৰত সজাগতা সভাঃ
তামুলপুৰ,৪ জুনঃ
২৪ বাহিনী এছএছবি ৰঙিয়াৰ গাইডেনচ’ক বিঅপিৰ উদ্যোগত আজি বনৰীয়া হাতীৰ আক্ৰমণৰ বিৰুদ্ধে এক সজাগতা কাৰ্যসূচী ৰূপায়ণ কৰা হয় । স্থানীয় জনসাধাৰণৰ মাজত মানুহ আৰু বন্যপ্ৰাণীৰ সংঘাতৰ বিষয়ে সজাগতা সৃষ্টিৰ উদ্দেশ্যে অনুষ্ঠিত এই অনুষ্ঠানত বন বিভাগৰ ৩ জন কৰ্মচাৰী আৰু ৩০ জন স্থানীয় ব্যক্তিয়ে অংশগ্ৰহণ কৰে। বন বিভাগৰ লোকে সজাগতা সভাত বনৰীয়া হাতীৰ আচৰণ আৰু অকলশৰীয়া হাতীয়ে
সম্পত্তিৰ ক্ষতিসাধন কৰিলে লৱলগীয়া সতৰ্কতামূলক ব্যৱস্থাৰ কথা জনসাধাৰণৰ আগত বৰ্ণনা কৰা হৈছিল৷ এই সজাগতা সভাতে বন বিভাগৰ কৰ্মচাৰীৰ যোগাযোগ নম্বৰ স্থানীয় জনসাধাৰণৰ মাজত উল্লেখ কৰা হৈছিল। ২৪ বাহিনী এছ এছ বি ৰঙিয়াৰ কমাণ্ডেণ্ট এইচ কে গুপ্তাৰ নিৰ্দেশনাত অনুষ্ঠিত হোৱা এই কাৰ্যসূচীত সহকাৰী কামাণ্ডেণ্ট সনোজ ৰাজ, পৰিদৰ্শক গুনীন্দ্ৰ দাস আৰু বি অ পি গাইডেনচৌক, ২৪ বি এন এছ এছ বি ৰঙিয়াৰ প্ৰায় ১০ জন জোৱানে অংশগ্ৰহণ কৰে।###
