হিমন্ত বিশ্ব শৰ্মাৰ দুৰ্নীতিৰ তদন্তৰ বাবে SIT গঠন কৰিব কংগ্ৰেছে: ভূপেন বৰা

হিমন্ত বিশ্ব শৰ্মাৰ দুৰ্নীতিৰ তদন্তৰ বাবে SIT গঠন কৰিব কংগ্ৰেছে: ভূপেন বৰা

 

অসম প্ৰদেশ কংগ্ৰেছ কমিটীৰ সভাপতি ভূপেন বৰাই সদ্য এক গুৰুত্বপূর্ণ মন্তব্য প্ৰকাশ কৰি কলে যে কংগ্ৰেছ চৰকাৰ আহিলেই মুখ্যমন্ত্ৰী হিমন্ত বিশ্ব শৰ্মাৰ দুৰ্নীতিসমূহৰ তদন্ত কৰিবলৈ এক বিশেষ অনুসন্ধান দল (SIT) গঠন কৰিব।

 

ভূপেন বৰাই ক’লে, “অসমৰ সম্পদৰ অপচয়, দুৰ্নীতি, আৰু মুখ্যমন্ত্ৰীৰ ৰাজনৈতিক অনৈতিকতাৰ তদন্ত কৰি জনসাধাৰণৰ বাবে সত্য উদ্ঘাটিত কৰাই কংগ্ৰেছৰ প্ৰাথমিক লক্ষ্য। কংগ্ৰেছে সদায়েই শুদ্ধতাৰ বাবে সংগ্ৰাম কৰিছে, আৰু এই ক্ষেত্ৰত কোনো আপোচ নহ’ব।”

 

তেওঁয়ো লগতে অভিযোগ কৰে যে হিমন্ত বিশ্ব শৰ্মাৰ নেতৃত্বত ৰাজ্যত দুৰ্নীতি নতুন পৰ্যায়ত উপনীত হৈছে। যোৱা কেইবছৰৰ বিভিন্ন উন্নয়নমূলক প্ৰকল্প আৰু চৰকাৰী নীতিৰে সৃষ্ট বিতর্কত চৰকাৰৰ দুৰ্নীতি উদঙি পৰাৰ কথা উল্লেখ কৰে।

 

ভূপেন বৰাই দাবী কৰে যে কংগ্ৰেছৰ নেতৃত্বত যদি ৰাজ্যত নতুন চৰকাৰ গঠন হয়, তেন্তে SIT গঠন কৰি সঠিক অনুসন্ধানৰ জৰিয়তে সকলো তথ্য জনসাধাৰণৰ আগত মুকলি কৰা হ’ব।

 

ইয়াৰ পৰিপ্ৰেক্ষিতত অসমৰ ৰাজনীতিত নতুন বিতর্কৰ সৃষ্টি হৈছে। কংগ্ৰেছৰ এই কঠোৰ স্থিতিৰ ফলত আগন্তুক ৰাজনৈতিক চিত্রত এক ডাঙৰ প্ৰভাৱ পৰাৰ সম্ভাৱনা।