সদৌ অসম সংখ্যালঘু ছাত্ৰ ইউনিয়ন (আমছু)-ৰ প্ৰতিবাদত।

সদৌ অসম সংখ্যালঘু ছাত্ৰ ইউনিয়ন (আমছু)- আহ্বানত চাম্পাপাৰা আঞ্চলিক সমিতিৰ সাঃ সম্পদক লোহিত হুছেইনৰ হত্যাকাৰীক গেপ্তাৰ কৰাৰ দাবীত তামুলপুৰ জিলাৰ আয়ুক্তৰ কাৰ্যালয়ৰ সন্মুখত এক ধৰ্না কাৰ্যসূচী ৰূপায়ন কৰা হয়। এই কাৰ্যসূচীত অৰ্ধশতাধিক আমছু সদস্যই অংশগ্ৰহণ কৰে।

 

বিক্ষোভকাৰীয়ে হাতে হাতে বেনাৰ আৰু প্লেকাৰ্ড লৈ “লোহিত হুছেইনৰ হত্যাকাৰী আটক কৰক,” “গৃহ বিভাগ হায় হায়,” “আমছু জিন্দাবাদ” আদি শ্লোগানেৰে পৰিবেশ উত্তাল কৰি তোলে।

 

প্ৰতিবাদৰ অন্তত আমছুৰ প্ৰতিনিধিৰা তামুলপুৰ জিলাৰ আয়ুক্তৰ জৰিয়তে অসমৰ মুখ্যমন্ত্ৰীৰ উদ্দেশ্যে এখন স্মাৰক পত্ৰ প্ৰেৰণ কৰে। এই স্মাৰক পত্ৰত হত্যাকাৰীক সোনকালে গেপ্তাৰ কৰি ন্যায় সুনিশ্চিত কৰাৰ দাবী জানোৱা হয়।