মানৱ সৰবৰাহৰ বিৰুদ্ধে বিশ্ব দিৱসত আশা দৰ্শনে শিশুসুৰক্ষাৰ বাবে বহু-সংস্থাৰ সমন্বয়ত নেতৃত্ব দাঙি ধৰিলে।
মানৱ সৰবৰাহৰ বিৰুদ্ধে বিশ্ব দিৱসৰ অৱসৰত আশা দৰ্শনে ধেমাজি জিলাত এখন সমন্বয় সভাৰ আয়োজন কৰে। উক্ত সভাত শিশু সুৰক্ষা আৰু শিশু অধিকাৰৰ ক্ষেত্ৰত কৰ্মৰত বিভিন্ন গুৰুত্বপূর্ণ সংস্থাৰ প্ৰতিনিধিসকল অংশগ্ৰহণ কৰে। ধেমাজিৰ ৰে’লৱে প্ৰটেকচন ফৰ্চ (RPF), ৰে’ল বিভাগ, জিলা শিশু সুৰক্ষা একক (DCPU) আৰু চাইল্ড হেল্প লাইন-ৰ পৰা অহা বিষয়াই একেলগ হৈ আলোচনা কৰে। সভাত সকলোৰে একমত উল্লেখ কৰা হয় যে শিশুসৰবৰাহৰ দৰে গম্ভীৰ সমস্যা ৰোধ কৰিবলৈ আন্তঃসংস্থাগত সমন্বয় অত্যন্ত প্ৰয়োজনীয়। ASHA DARSHAN, Just Rights for Children-ৰ এটি অংশীদাৰ সংস্থা হিচাপে, ধেমাজি জিলাত শিশুশ্ৰম, সৰবৰাহ, বলপূৰ্বক বাল্যবিবাহ আৰু যৌন নিৰ্যাতনৰ পৰা শিশুসকলক সুৰক্ষা, উদ্ধাৰ আৰু ন্যায় নিশ্চিত কৰাৰ ক্ষেত্ৰত সক্ৰিয়ভাৱে কাম কৰি আহিছে। Just Rights for Children হৈছে দেশৰ আটাইতকৈ ডাঙৰ শিশু অধিকাৰ সংগঠনৰ নেটৱৰ্ক, যিয়ে ৪১৮খন জিলাত ২৫০ৰো অধিক সহযোগী সংগঠনৰে সৈতে কাম কৰি আহিছে আৰু সাম্প্ৰতিক বৰ্ষসমূহত শিশু সুৰক্ষা আইন গঠনত গুৰুত্বপূৰ্ণ ভূমিকা গ্ৰহণ কৰিছে।
আইন প্ৰয়োগকাৰী সংস্থাসকলে শিশুসৰবৰাহৰ ক্ষেত্ৰত যিসকল প্ৰত্যাহ্বানৰ সন্মুখীন হয়, তাৰে বিষয়ে আলোচনা কৰি উপস্থিত বিষয়াসকলে উল্লেখ কৰে যে সচেতনতা বৃদ্ধি, সমাজক সৰবৰাহ নেটৱৰ্কৰ বিষয়ে সংবেদনশীল কৰা আৰু সংস্থাসমূহৰ মাজত সমন্বয় সুদৃঢ় কৰা—এইবোৰ একেলগে মিলি উদ্ধাৰ হোৱা শিশুসকলৰ বাবে সময়মতে ন্যায় আৰু কার্যকৰী পুনৰ্বাসনৰ দিশে অগ্ৰগতি কৰিব পাৰে।
সংগঠনটোৱে উল্লেখ কৰে যে শিশুসৰবৰাহ কেৱল শিশুশ্ৰম বা বাণিজ্যিক যৌন শোষণলৈ সীমাবদ্ধ নহয়। বহুত ছোৱালী শিশুক বলপূৰ্বক বিয়াৰ বাবে সৰবৰাহ কৰা হয়, যি বিষয়টো বৰ্তমানেও যথেষ্টভাৱে প্ৰতিফলন হোৱা নাই আৰু উপেক্ষিত হৈ আছে।
বিশেষভাৱে, জুলাই মাহত ASHA DARSHAN-এ ৰে’লৱে প্ৰটেকচন ফৰ্চ (RPF)-ৰ সৈতে মিলি শিশুসৰবৰাহ ৰোধৰ ওপৰত সচেতনতা বৃদ্ধিৰ কাৰ্যসূচী চলায়। সৰবৰাহকাৰীয়ে সচৰাচৰ শিশুসকলক ৰে’লপথে এখন ৰাজ্যৰ পৰা আন এখন ৰাজ্যলৈ লৈ যায়, এই কথা বিবেচনা কৰি উক্ত কাৰ্যসূচীত যাত্ৰী, ৰে’ল কৰ্মচাৰী, দোকানী, আৰু কুলীসকলক শিশুসৰবৰাহৰ চিনাকি কিদৰে কৰিব আৰু সন্দেহজনক পৰিস্থিতিত কেনেদৰে নিৰাপদভাৱে খবৰ দিব পাৰি, তাৰ ওপৰত প্ৰশিক্ষণ দিয়া হয়।
শিশুসুৰক্ষাৰ ক্ষেত্ৰত সকলো অংশীদাৰৰ একত্ৰিকৰণৰ প্ৰয়োজনীয়তাৰ ওপৰত আলোকপাত কৰি ASHA DARSHAN-ৰ সঞ্চালক বিজু বৰবৰুৱাই কয়, “শিশুসৰবৰাহ ৰোধ কৰিবলৈ প্ৰশিক্ষণ এক মুখ্য উপাদান। সৰবৰাহসকাৰীক কঠোৰভাৱে শাস্তি দিয়া হ’লে মাথোঁ সঁচা ভয় আৰু প্ৰতিবন্ধক সৃষ্টি হয়। উদ্ধাৰৰ প্ৰচেষ্টাসকল জিলা প্ৰশাসনৰ সৈতে সুদৃঢ় সমন্বয় আৰু সময়-সীমাবদ্ধ আইনী ব্যৱস্থাৰ সৈতে একেলগে আগবঢ়াব লাগিব। তেতিয়াহে শিশুসকলক ৰক্ষা কৰাৰ লগতে সৰবৰাহৰ নেটৱৰ্কসমূহো ভাঙি পেলাব পাৰি।”