ভাৰত-আয়াৰলেণ্ড মহিলা ক্ৰিকেট: দ্বিতীয়খন মেচত জেমিমাৰ শতকৰে ভাৰতে গঢ়িলে বিশাল লক্ষ্য

 

ভাৰত আৰু আয়াৰলেণ্ডৰ মাজত অনুষ্ঠিত তিনিখনীয়া এদিনীয়া মহিলা ক্ৰিকেট শৃংখলাৰ দ্বিতীয়খন মেচ আজি গুজৰাটৰ ৰাজকোটত আয়োজিত হৈছে। টছত জিকি ভাৰতে প্ৰথমে বেটিং কৰিবলৈ সিদ্ধান্ত লৈ নিৰ্ধাৰিত ৫০ অ’ভাৰত মাথোন ৫টা উইকেটৰ বিনিময়ত আয়াৰলেণ্ডক ৩৭১ ৰানৰ বিশাল লক্ষ্য নিৰ্ধাৰণ কৰে।

 

এই মেচত টীম ইণ্ডিয়াৰ জেমিমা ৰড্ৰিগেছে ক্ৰিকেট জীৱনত প্ৰথমটো এদিনীয়া শতক অৰ্জন কৰি নতুন মাইলষ্ট’ন গঢ়ে। তেওঁৰ সাহসী আৰু ধাৰাবাহিক প্ৰদৰ্শন ভাৰতৰ স্ক’ৰদ্বাৰা সুদৃঢ় কৰে। লগতে অধিনায়ক স্মৃতি মান্ধনাই কেৰিয়াৰৰ ৩০ সংখ্যক অৰ্ধশতক অৰ্জন কৰি দলৰ বেটিং শৃংখলাক আরও মজবুত কৰে।

 

এই মেচৰ আগতে অনুষ্ঠিত প্ৰথমখন এদিনীয়াত ভাৰতে ৬ উইকেটত জয়লাভ কৰি ১-০ত আগবাঢ়ি আছে। দ্বিতীয়খন মেচত ভাৰতৰ দিগন্তচুম্বী প্ৰদৰ্শনে শৃংখলা জয়ৰ সম্ভাৱনা অধিক প্ৰবল কৰি তুলিছে।

 

ক্ৰিকেট প্ৰেমীৰ বাবে এই শৃংখলা উত্তেজনাপূৰ্ণ। ভাৰতে এই মেচত জয় লাভ কৰি শৃংখলা নিজৰ কৰি ল’ব নে আয়াৰলেণ্ডে আকস্মিকতাৰে প্ৰতিশোধ ল’ব, সেয়া সময়হে ক’ব পাৰিব।