বৰক্ষেত্ৰীত আয়োজিত ‘ভোগালীৰ এসাজ’ শীৰ্ষক এক বিশেষ কাৰ্যসূচীত অংশগ্ৰহণ কৰে নৱ নিৰ্বাচিত বিজেপিৰ ৰাজ্যিক সভাপতি দিলীপ শইকীয়াই। সাম্প্ৰতিকভাৱে ৰাজ্যিক সভাপতি হিচাপে দায়িত্ব গ্ৰহণ কৰা দিলীপ শইকীয়াই এই অনুষ্ঠানত উপস্থিত থাকি স্থানীয় লোকসকলে আয়োজন কৰা ভোগালীৰ আনন্দত ভাগ লয়।
অনুষ্ঠানত গীতৰ তালে তালে শইকীয়াই নিজেও গান গাই আনন্দ উল্লাস কৰে। উপস্থিত লোকসকলৰ সৈতে মিলি তেওঁ পৰম্পৰাগত ভোগালী উৎসৱৰ সোঁৱৰণ উদযাপন কৰে। গাঁৱলীয়া পৰিৱেশ, পিঠা-পনা আৰু সাংস্কৃতিক কাৰ্যসূচীয়ে ভোগালীৰ উজ্জ্বল পৰিচয় উপস্থাপন কৰে।
দিলীপ শইকীয়াই এই অনুষ্ঠানত অংশ লোৱাই স্থানীয় লোকসকলৰ মাজত এক উল্লাসৰ পৰিৱেশ সৃষ্টি কৰে। ৰাজ্যৰ সংস্কৃতিৰ পৰম্পৰাৰ প্রতি তেওঁৰ এই আগ্ৰহই নেতৃত্বৰ ক্ষেত্ৰত এক ইতিবাচক সঙ্কেত প্ৰদান কৰিছে।
উল্লেখ্য, ‘ভোগালীৰ এসাজ’ যেনে পৰম্পৰাগত উৎসৱই অসমীয়াৰ ঐক্য আৰু সংস্কৃতিৰ শক্তি প্ৰদৰ্শন কৰে। শইকীয়াৰ এই পদক্ষেপে আন উন্নয়নমূলক কাম-কাজৰ ক্ষেত্ৰত নতুন দিশ খুলিব বুলি স্থানীয় লোকসকলে আশা কৰিছে।
