ব্ৰহ্মপুত্ৰ নদীৰ পৰা উটি অহা বাণ্ডিলে বাণ্ডিলে নকল টকাৰে বৰক্ষেত্ৰীৰ কুৰিহামাৰী অঞ্চলত সৃষ্টি কৰিছে চাঞ্চল্য
বৰক্ষেত্ৰী, ১৫ ছেপ্টেম্বৰঃ
ব্ৰহ্মপুত্ৰ নদীৰ পৰা উটি অহা বাণ্ডিলে বাণ্ডিলে নকল টকাৰে বৰক্ষেত্ৰীৰ কুৰিহামাৰী অঞ্চলত সৃষ্টি কৰিছে চাঞ্চল্য। স্থানীয় লোকে নদীত ভাসি থকা সন্দেহজনক বাণ্ডিলবোৰ দেখা পাই সংবাদ দিয়াৰ পাছতে আৰক্ষী ঘটনাস্থলীত উপস্থিত হয়।
সূত্ৰ মতে, উদ্ধাৰ হোৱা বাণ্ডিলবোৰত ৫০০ টকা আৰু ২০০০ টকাৰ নকল নোটৰ গোট আছে বুলি সন্দেহ কৰা হৈছে। বৰ্তমান আৰক্ষীয়ে বাণ্ডিলবোৰ জব্দ কৰি ফরেনছিক পৰীক্ষাৰ বাবে প্ৰেৰণ কৰিছে।
অঞ্চলত ইতিমধ্যেই জনসাধাৰণৰ মাজত আতঙ্ক সৃষ্টি হৈছে। স্থানীয় লোকে কয়, নদীৰ পৰা নকল টকা ভাহি অহা কেতিয়াবা এই এলেকাক কোনো গোপন চুৰা ধন সৰবৰাহৰ পথ হিচাপে ব্যৱহাৰ কৰা হ’ব পাৰে।
ঘটনাটোক লৈ বৰক্ষেত্ৰী আৰক্ষীয়ে ইতিমধ্যেই তদন্ত আৰম্ভ কৰিছে। ক’ৰ পৰা আহিল এই নকল টকা আৰু কোনে পেলাই দিলে, তাৰ উৎস সন্ধানৰ বাবে আৰক্ষীয়ে বিশেষ দল গঠন কৰিছে।
👉 নকল টকা উদ্ধাৰৰ এই ঘটনাই এতিয়া পুনৰ এক গম্ভীৰ প্রশ্ন উত্থাপন কৰিছে—আচলতে ৰাজ্যত নকল মুদ্ৰা চোৰাংচালানৰ জাল কিমান গভীৰভাৱে গা মেলি আছে?