বীৰ লাচিত সেনা অসম, কামৰূপ জিলা সমিতিৰ প্ৰতীকি অৱস্থান ধৰ্মঘট

 

বীৰ লাচিত সেনা অসম, কামৰূপ জিলা সমিতিৰ উদ্যোগত মহানগৰীৰ শ্ৰদ্ধাঞ্জলি উৰণ সেতুৰ তলত আজি এক প্ৰতীকি অৱস্থান ধৰ্মঘট অনুষ্ঠিত হয়। সংগঠনটোৰ মূল দাবী যোৰহাটত নগ্ন বাবা বিৰোধী প্ৰতিবাদৰ সময়ত গ্ৰেপ্তাৰ হোৱা ৭ জন যুৱকক বিনাচৰ্তে মুক্তি।

 

উল্লেখযোগ্য যে, যোৰহাটত বিতৰ্কিত নগ্ন বাবাৰ বিৰুদ্ধে হোৱা প্ৰতিবাদৰ সময়ত ৭ জন যুৱকক আৰক্ষীয়ে আটক কৰিছিল। বীৰ লাচিত সেনা অসমৰ কামৰূপ জিলা সমিতিয়ে এই গ্ৰেপ্তাৰক অগণতান্ত্ৰিক আৰু অন্যায় বুলি অভিহিত কৰিছে। সংগঠনটোৰ নেতাসকলে দাবী কৰিছে যে, “সাধাৰণ জনগণৰ অনুভূতিৰ ওপৰত আঘাত কৰা ব্যক্তি সকলে মুক্তভাবে চলাফৰা কৰিলে, প্ৰতিবাদকাৰীক গ্ৰেপ্তাৰ কৰাৰ কোনো যুক্তি নাই।”

 

এই প্ৰতীকি অৱস্থান ধৰ্মঘটত সংগঠনটোৰ বহু সদস্য উপস্থিত থাকে। তেওঁলোকে যুবকৰ মুক্তিৰ বাবে যদি প্ৰয়োজন হয়, তেন্তে বৃহত্তৰ প্ৰতিবাদৰ পথে আগবাঢ়িব বুলি সতর্কবাণী দিয়ে। সংগঠনটোৰ নেতাসকলে লগতে কয় যে, “অসমত নৈতিকতা আৰু সংস্কৃতিক ৰক্ষা কৰাৰ বাবে দল-মত নির্বিশেষে সচেতনতা গঢ়ি তুলিব লাগিব।”

 

এই বিষয়ক লৈ এতিয়ালৈকে প্ৰশাসনে কোনো সদানন্দ জনোৱা নাই, যদিও প্ৰতিবাদ আৰু দাবী অব্যাহত আছে।