Telegram
*বনভোজ দললৈ তামুলপুৰ জিলা প্ৰশাসনৰ নিৰ্দেশ।
*তামুলপুৰ, ৫ ডিচেম্বৰ, ২০২৪* : তামুলপুৰ জিলাৰ বিশেষকৈ উত্তৰাঞ্চলত বনৰীয়া হাতীৰ জাক ঘূৰি ফুৰাৰ ফলত হস্তী-মানুহৰ সংঘাত পৰিলক্ষিত হৈছে। ফলত জীৱন আৰু সম্পত্তিৰ হানি হৈছে। উল্লেখ্য যে উক্ত অঞ্চলৰ বহু ঠাই বনভোজ দলৰো আকৰ্ষণৰ কেন্দ্ৰবিন্দু। তাৰ প্ৰতি লক্ষ্য ৰাখি ভাৰতীয় নাগৰিক সুৰক্ষা সংহিতাৰ ১৬৩ ধাৰাৰ অধীনত তামুলপুৰ জিলাৰ জিলা দণ্ডাধীশ পংকজ চক্ৰৱৰ্তীয়ে বনভোজ দলসমূহক কেতবোৰ চৰ্ত বান্ধি দিছে। সেই অনুসৰি বনভোজ দলসমূহে পুৱা ৯ বজাৰ আগত বনভোজস্থলীত উপস্থিত হ’ব নোৱাৰিব। তেওঁলোকে আবেলি ৪ বজাৰ আগতে বনভোজস্থলী ত্যাগ কৰিব লাগিব। বনভোজস্থলীত প্লাষ্টিক আৰু ছাউণ্ড ছীষ্টেম কঠোৰভাৱে নিষেধ কৰা হৈছে। নিয়ম উলংঘাকাৰী আইন মতে দণ্ডনীয় হ’ব। পৰৱৰ্তী জাননী নিদিয়ালৈকৈ এই নিৰ্দেশ বাহাল থাকিব।
%20ৰ%20প্ৰতিবাদ।){kind=link}