প্লাষ্টিক আৱৰ্জনা ব্যৱস্থাপনাৰ ওপৰত ৰেলৱে কৰ্তৃপক্ষ আৰু ৰাজ্যিক প্ৰদূষণ নিয়ন্ত্ৰণ বোৰ্ডৰ যৌথ বৈঠক
মালিগাঁও, ২৩ জুলাই, ২০২৫:
পাৰিপাৰ্শ্বিক বহনক্ষমতা আৰু আৱৰ্জনা ব্যৱস্থাপনাৰ দিশত এক গুৰুত্বপূৰ্ণ পদক্ষেপ হিচাপে, উত্তৰ-পূব সীমান্ত ৰেলৱেই অসম ৰাজ্যিক প্ৰদূষণ নিয়ন্ত্ৰণ পৰিষদ (পিচিবিএ)ৰ বিষয়াবৰ্গ আৰু ৰঙিয়াৰ এক পিচিবিএ অনুমোদিত ৰিচাইক্লিং সংস্থা মেচাৰ্ছ কুসুম উদ্যোগৰ প্ৰতিনিধিবৰ্গৰ সৈতে এক সহযোগিতামূলক বৈঠক অনুষ্ঠিত কৰে। শ্ৰী এম. কালিমুথি, চিএমই/ইএনএইচএম/এনএফআৰৰ সভাপতিত্বত অনুষ্ঠিত এই সভাত গুৱাহাটী ৰেলৱে ষ্টেচনক ভাৰতৰ প্ৰথম প্লাষ্টিকমুক্ত ৰেলৱে ষ্টেচন হিচাপে গঢ়ি তোলাৰ উদ্যোগৰ ওপৰত আলোচনা কৰা হয়।
বৈঠকখনত, ৰেল আৰু ষ্টেচন পৰিসৰৰ পৰা সংগ্ৰহ কৰা প্লাষ্টিক আৱৰ্জনাৰ উপযুক্তভাৱে পৃথকীকৰণ, টুকুৰা-টুকুৰ কৰা, ধোৱা আৰু পুনৰব্যৱহাৰৰ মূল কৌশলসমূহৰ ওপৰত আলোচনা হয়। মেচাৰ্ছ কুসুম উদ্যোগে ষ্টেচনৰ আৱৰ্জনা সংৰক্ষণ স্থানৰ পৰা প্লাষ্টিক আৱৰ্জনা হেণ্ডলিং, পৰিষ্কাৰকৰণ আৰু অনুমোদিত ৰিচাইক্লিং ইউনিটলৈ পৰিবহণৰ বাবে এক বিস্তৃত প্ৰস্তাৱ জমা দিব। এই বৈঠকৰ কাৰ্যসূচীত বৰ্তমানৰ আৱৰ্জনা নিষ্কাশন পদ্ধতিৰ পৰ্যালোচনা, উচ্চ-প্ৰভাৱৰ ক্ষেত্ৰসমূহ চিনাক্তকৰণ আৰু একক-ব্যৱহাৰযোগ্য প্লাষ্টিক হ্ৰাস কৰাৰ লগতে স্থায়ী পদ্ধতি বৃদ্ধিৰ বাবে যৌথ কৰ্ম পৰিকল্পনা প্ৰণয়নৰ বিষয়ে আলোচনা কৰা হয়। ইয়াৰ উপৰিও, উত্তৰ পূব সীমান্ত ৰেলৱেৰ স্কাউটছ এণ্ড গাইডছে প্লেকাৰ্ড প্ৰদৰ্শন, নুক্কড় নাটক (বাটৰ নাট) আৰু নাটক প্ৰদৰ্শনৰ দৰে জনসচেতনতামূলক কাৰ্যক্ৰমৰ আয়োজন কৰে। ইফ্লুৱেন্ট ট্ৰিটমেন্ট প্লেন্ট (ইটিপি) আৰু চিৱেজ ট্ৰিটমেন্ট প্লেন্ট (এছটিপি)ৰ পৰিদৰ্শন আৰু সঠিক কামকাজ নিশ্চিত কৰাৰ বাবে তৎক্ষণিক পদক্ষেপো গ্ৰহণ কৰা হয়।
প্ৰদূষণ নিয়ন্ত্ৰণ পৰিষদে এই প্ৰচেষ্টাসমূহৰ প্ৰশংসা কৰি অধিক দৃঢ়তাৰে পালন আৰু নিয়মিত নিৰীক্ষণৰ ওপৰত গুৰুত্বৰ আৰোপ কৰে। পৰিষদে পৰিৱেশ-হিতৈষী বিকল্প আৰু আৱৰ্জনা পৰিশোধন সুবিধাসমূহৰ গ্ৰহণৰ উপলব্ধতাৰে কাৰিকৰী সাহাৰ্য আৰু নীতি নিৰ্দেশনা প্ৰদানত নিশ্চিতকৰণৰ আশ্বাস দিয়ে।
গুৱাহাটী ৰেলৱে ষ্টেচনটো হৈছে, উত্তৰ-পূব সীমান্ত ৰেলৱে জ’নৰ অধীনত থকা সৰ্ববৃহৎ আৰু সবাতোকৈ কাৰ্যক্ষম ষ্টেচন, যি উত্তৰ-পূৰ্বাঞ্চলৰ প্ৰৱেশদ্বাৰ হিচাপে সেৱা আগবঢ়াই আহিছে, য’ত প্ৰতিদিনে ১০০ৰো অধিক ৰেল যেনে ৰাজধানী এক্সপ্ৰেছ আৰু বন্দে ভাৰত এক্সপ্ৰেছ চলাচল কৰে। অধিক যাত্ৰীৰ সমাগম, আধুনিক আন্তঃগাঁথনি আৰু পৰিৱেশ-হিতৈষী পৰিচালনৰ প্ৰতি দায়বদ্ধতাৰ বাবে পৰিচিত এই ষ্টেচনটোৱে অসম প্ৰদূষণ নিয়ন্ত্ৰণ পৰিষদ আৰু স্থানীয় উদ্যোগসমূহৰ সৈতে সহযোগিতাৰে কাম কৰি ষ্টেচনটো ১০০% প্লাষ্টিক আৱৰ্জনা-ব্যৱস্থাপনা আৰু আৱৰ্জনাৰ পুনঃব্যৱহাৰ যোগ্য ষ্টেচন হিচাপে গঢ়ি তুলিবলৈ কাম কৰি আহিছে।
এই বৈঠকখন এখন পৰিষ্কাৰ আৰু সেউজ ৰেলৱে পৰিৱেশ তন্ত্ৰ গঢ়ি তোলাৰ দিশত এক গুৰুত্বপূৰ্ণ পদক্ষেপ হিচাপে চিহ্নিত হৈছে। ই লগতে সংস্থাসমূহৰ মাজত সহযোগিতামূলক আৰু সমন্বিত প্ৰচেষ্টাৰ জৰিয়তে প্লাষ্টিক প্ৰদূষণ হ্ৰাসৰ প্ৰতি চৰকাৰৰ বহল দৃষ্টিভঙ্গীক পুনৰ্নিশ্চিত কৰিছে।
