পদ্ম আনন্দ বজাৰ অঞ্চলৰ সমাজকৰ্মী গিৰীন্দ্ৰ ৰাজবংশীৰ মৃত্যুত অঞ্চলটোত গভীৰ শোকৰ ছাঁ

=================================

তামুলপুৰ ২২ জুন :

 

 

তামুলপুৰ জিলাৰ অন্তৰ্গত পদ্ম আনন্দ বজাৰ , নতুন বজাৰ আদি অঞ্চলৰ বিশিষ্ট সমাজকৰ্মী শিৰিছঘুটু নিবাসী গিৰীন্দ্ৰ ৰাজবংশীৰ ৮৩ বছৰ বয়সত যোৱাকালি আবেলি পাচ বজাত গুৱাহাটী জিএনআৰচি হাস্পাতালত শেষ নিশ্বাস ত্যাগ কৰে ৷ তেও কিছুদিন ধৰি বাৰ্ধক্যজনিত কাৰনত শাৰিৰীকভাৱে অসুস্থ হৈ আছিল ৷ তেখেতৰ মৃত্যুত অঞ্চলটোত গভীৰ শোকৰ ছাঁ পৰে ৷যোৱা নিশা তেখেতৰ মৃতদেহটো নিজ বাসগৃহ তামুলপুৰৰ শিৰিছঘুটুলৈ অনা হয় যদিও আজি পুৱা পাগলাদিয়া নদীৰ পাৰৰ স্মশানত অজস্ৰ গুনমুগ্ধ ,আত্মীয় কুটুম্ব , বিভিন্ন দল ,সংগঠন আৰু ব্যক্তিৰ উপস্থিতিত অন্ত্যেষ্টিক্ৰিয়া সম্পন্ন কৰা হয় ৷অন্তেষ্টিক্ৰিয়া অনুষ্ঠানত তামুলপুৰ জিলা বাথৌ মহাসভাৰ কান্তেশ্বৰ বৰগয়াৰী , সদৌ অসম কোচ-ৰাজবংশী সন্মিলনৰ প্ৰাক্তন সভাপতি কেশৱ চন্দ্ৰ ৰাজবংশী , সমাজকৰ্মী চন্দ্ৰকান্ত ৰাজবংশী ,জয়দেৱ ৰাজবংশী, প্ৰাক্তন ছাত্ৰ নেতা মহেন্দ্ৰ বৰ্মন ,আমচাৰ আলী উপস্থিত থাকে ৷ তেখেতে পদ্ম আনন্দ বজাৰ আৰু নতুন বজাৰ অঞ্চলৰ বিভিন্ন অনুষ্ঠান-প্ৰতিষ্ঠান আদিৰ লগত জড়িত হৈ সমাজ সৱা আগবঢ়াইছিল ৷পদ্ম আনন্দ হাইস্কুলৰ পৰিচালনা সমিতিৰ প্ৰাক্তন সম্পাদক , পদ্ম আনন্দ বজাৰ শ্ৰীশ্ৰী লক্ষ্মী পূজা পৰিচালনা সমিতিৰ প্ৰাক্তন সম্পাদক , পদ্ম আনন্দ বজাৰ পৰিচালনা সমিতি , পদ্ম আনন্দ বজাৰ ভঠেলী উৎসৱ উদযাপন সমিতি , পদ্ম আনন্দ বজাৰ শ্যামা পূজা পৰিচালনা সমিতি , নতুন বজাৰ দুৰ্গাপূজা পবিচালনা সমিতি , নতন বজাৰ পৰিচালনা সমিতি , নতুন বজাৰ শ্যামা পূজা পৰিচালনা সমিতি আদিৰ লগত জড়িত আছিল ৷ মৃত্যুৰ সময়ত পত্নীসহ সাতগৰাকী পুত্ৰ সন্তান আৰু তিনিগৰাকী কন্যা, ৱোৱাৰী , জোৱাইসহ নাতি-নাতিনী ইহসংসাৰত এৰি থৈ যায় ৷

@@@@@@