দুলীয়াজানত আলফা ‘চি’ কোম্পানী উৎখাত, আৰক্ষীৰ সফল অভিযান
দুলীয়াজানত আৰক্ষীয়ে চলোৱা সফল অভিযানত স্বয়ম্ভূ আলফা ‘চি’ কোম্পানী উৎখাত হোৱাৰ খবৰ পোৱা গৈছে। এই অভিযানত আৰক্ষীয়ে উল্লেখযোগ্য পৰিমাণৰ অস্ত্ৰ-শস্ত্ৰ আৰু নগদ ধন জব্দ কৰিছে। আৰক্ষীয়ে .32mm পিষ্টল, সক্ৰিয় গুলী, IED (ইম্প্ৰুভাইজড এক্সপ্ল’ছিভ ডিভাইচ), ১১ টা ম’বাইল ফোন, নগদ ৪৯,৫০০ টকা আৰু বহু আপত্তিজনক সামগ্ৰী জব্দ কৰিবলৈ সক্ষম হয়।
এই কেসৰ সৈতে জড়িত বিতোপন গগৈ ওৰফে জয়ন্তক প্ৰথমে আটক কৰে। আৰক্ষীয়ে জানিবলৈ দিয়ে যে বিতোপনৰ স্বীকাৰোক্তিৰ ভিত্তিত বলিন গগৈ ওৰফে ধন আৰু ভৰত হাজাৰিক আটক কৰা হৈছে। আৰক্ষীৰ মতে, এই লোকসকল আলফা চি কোম্পানী নামৰ স্বয়ম্ভূ সংগঠনটো খুলি সন্ত্রাসমূলক কাৰ্যকলাপ চলাইছিল।
বিশেষভাৱে উল্লেখযোগ্য যে আলফা স্বাধীনৰ সৈতে এই আলফা চি কোম্পানীৰ কোনো সম্পৰ্ক নাই। তথাপি, স্বয়ম্ভূ গোষ্ঠীটোৱে ধনৰ দাবী কৰিছিল। এই ক্ষেত্ৰত আৰক্ষীয়ে আগতেও সাৱধান কৰি দিছিল যে আলফাৰ নামত যিকোনো ধনৰ দাবী নকৰিবলৈ।
এই অভিযানৰ ফলত আৰক্ষীয়ে অঞ্চলটোত সন্ত্রাসবিৰোধী তৎপৰতা আৰু নিৰাপত্তা ব্যবস্থা অধিক জোৰদাৰ কৰিব বুলি জনাইছে।