তামুলপুৰৰ ভাৰত-ভূটান সীমান্তত আৰক্ষী আৰু বন বিভাগৰ অভিযান।
তিনিগৰাকী চোৰাং চিকাৰী আটক, হাতীৰ দাত, দুটা হস্ত নিৰ্মিত বন্দুক জব্দ।
তামুলপুৰ ২২ ডিচেম্বৰ।
জানিব পৰা মতে এক গোপন খৱৰৰ ভিত্তিত নিশা তামুলপুৰ আৰক্ষী আৰু বন বিভাগে অভিযান চলাই ভাৰত ভূটান সীমান্তৰ ১ নম্বৰ ডোঙাৰ গাঁওৰ চিঙ্গৰাই হাচদা (৬০) ঘৰত অভিযান চলাই এটা হস্তনিৰ্মিত বন্দুক এটা উদ্ধাৰ কৰিবলৈ সক্ষম হয়।
পুণৰ আৰক্ষী আৰু বন বিভাগৰ লোকে চিঙ্গৰাই হাচদা আৰু চনু হেম্বৰমক জেৰা কৰাত নাগ্ৰিজুলিৰ মঞ্জুৰ গাঁওৰ বাবুৰাম চৰেণ (৪৬) নামৰ লোক গৰাকীৰ ঘৰত অন্য এটা হস্ত নিৰ্মিত বন্দুক থকা বুলি সদৰি কৰাত আৰক্ষী আৰু বন বিভাগৰ লোকে বাবুৰাম চৰেণৰ ঘৰত অভিযান চলাই এটা হস্ত নিৰ্মিত বন্দুক উদ্ধাৰ কৰিবলৈ সক্ষম হয়। নিশাই তামুলপুৰ আৰক্ষী আৰু বন বিভাগৰ লোকে তিনিওজনক আটক কৰা লগতে দুটা হস্ত নিৰ্মিত বন্দুক আৰু এটা হাতীৰ দাত উদ্ধাৰ কৰি তামুলপুৰ আৰক্ষী থানলৈ আনে।
