তামুলপুৰৰ দলাপাৰাত মৰ্টাৰ বিস্ফোৰণ: এজন কিশোৰ নিহত, দুজন আহত
নিহত কিশোৰজন হৈছে সপ্তম শ্ৰেণীত পঢ়া ইমা বড়ো (১৪)। আহত হৈছে পঞ্চম শ্ৰেণীৰ ছাত্ৰ মহিত বসুমতাৰী (১০) আৰু স্থানীয় গাঁওবাসী নিজৰা ৰামচিয়াৰী (৩০)। বিস্ফোৰণৰ তীব্ৰতাত ঘটনাস্থলীতেই ইমা বড়োৰ মৃত্যু হয়।
আহত মহিত আৰু নিজৰা ৰামচিয়াৰীক সংকটজনক অৱস্থাত নালবাৰী চিকিৎসা মহাবিদ্যালয়লৈ প্ৰেৰণ কৰা হৈছে। এই ঘটনাই অঞ্চলজুৰি চাঞ্চল্যৰ সৃষ্টি কৰিছে।
ঘটনাৰ খবৰ পোৱাৰ লগে লগে ঘটনাস্থলীত উপস্থিত হয় তামুলপুৰ জিলাৰ আৰক্ষী অধীক্ষক আৰু তামুলপুৰৰ বিধায়ক। বিস্ফোৰণটো কেনেদৰে ঘটিল, মর্টাৰটো ক’ৰ পৰা আহিছিল, সেই সন্দর্ভত তদন্ত আৰম্ভ কৰিছে আৰক্ষীয়ে।
এই দুৰ্ঘটনাই সীমান্ত এলেকাত অস্ত্ৰ-শস্ত্ৰ আৰু বিস্ফোৰক সামগ্ৰীৰ সহজ প্ৰৱেশৰ বিষয়ত নতুনকৈ চিন্তা কৰিব লগা পৰিস্থিতিৰ সৃষ্টি কৰিছে। গাঁওবাসীয়ে ঘটনাটোক গভীৰ দুখেৰে গ্ৰহণ কৰিছে আৰু সন্তানের সুৰক্ষাৰ বিষয়ে উদ্বেগ প্ৰকাশ কৰিছে।
ঘটনাটোৰ সম্পূৰ্ণ তদন্তৰ পাছত আৰু অধিক তথ্য প্ৰকাশ হোৱাৰ সম্ভাৱনা আছে।
