তামুলপুৰত প্ৰাক্ বৰদিন উৎসৱ উৎযাপন।
তামুলপুৰ ৪ ডিচেম্বৰ।
বৰদিনলৈ মাজত মাত্ৰ কেইদিনমান বাকি থকাৰ সময়তে তামুলপুৰ জিলাৰ খ্ৰীষ্টিয়ান সমন্বয়ৰ সমিতিৰ সৌজন্যত আজি বৰ্ণাঢ্য কাৰ্যসূচীৰে তামুলপুৰৰ মটঙা চ’কত প্ৰাক্ বৰদিন উৎসৱ উদযাপন কৰা হয়। পুৱাৰে পৰা অনুষ্ঠিত হোৱা প্ৰাক্ বৰদিনৰ উৎসৱত উপসনা পৰিচালনা কৰে তামুলপুৰ জিলা খ্ৰীষ্টিয়ান সমন্বয় সমিতিৰ সভাপতি কবিন চন্দ্ৰ বড়োৱে। ইয়াৰ পিছতে
প্ৰভু যীচুৰ ওচৰত প্ৰাৰ্থনা, বাবেইবেল পাঠৰ লগতে অসমীয়া, বড়ো, চানতালী নৃত্য প্ৰদৰ্শন কৰা। দুপৰীয়া বাইবেলৰ ২:১০-১১ অধ্যায়ৰ “ভয় নাকৰিবা…” মূল বিষয় হিচাপে লৈ নিদিষ্ট বক্তব্য ৰাখে হৰিশিঙা খ্ৰীষ্টিয়ান সমন্বয় সমিতিৰ প্ৰাক্তন কাৰ্যবাহী সম্পাদক ৰেভাৰেণ্ড সন্তোষ দৈমাৰীয়ে। আবেলি আশীৰ্বাদ প্ৰাৰ্থনাৰে প্ৰাক্ বৰদিনৰ উৎসৱৰ সামৰণি পৰে। আজিৰ এই প্ৰাক্ বৰদিনৰ অনুষ্ঠানত দৰঙ্গাজুলি পৰিষদীয় সমষ্টি এম চি এল এ বিজিৎ গৌৰা নাৰ্জাৰী, তামুলপুৰ জিলা খ্ৰীষ্টিয়ান সমন্বয় সমিতিৰ সাধাৰণ সম্পাদক বনিফেছ বেছৰাৰ লগতে তামুলপুৰ জিলাৰ অন্তৰ্গত গীৰ্জা সমূহৰ সভাপতি সম্পাদকৰ লগতে সহস্ৰাধিক সদস্য সকল উপস্থিত থাকে।
