চামগুৰিত কংগ্ৰেছৰ গোপন বৈঠক, ৰকিবুলৰ পুত্ৰক প্ৰত্যাহ্বান
চামগুৰি বিধানসভা সমষ্টিত কংগ্ৰেছ দলে বৰ্তমান গোপন রাজনৈতিক তৎপৰতাত মগ্ন। কংগ্ৰেছ নেতা ৰকিবুল হুছেইনৰ পুত্ৰ তাঞ্জিল হুছেইনক প্ৰাৰ্থী হিচাপে আগবঢ়োৱা কথাতেই তীব্ৰ ক্ষোভ প্ৰকাশ কৰিছে বহু কংগ্ৰেছী নেতা-কৰ্মীয়ে।
🔹 ৰূপহীহাটত গোপন বৈঠক
চামগুৰিৰ ৰূপহীহাটত তাঞ্জিলৰ প্ৰাৰ্থীত্বৰ বিৰুদ্ধে এক গোপন বৈঠক অনুষ্ঠিত হয়। এই বৈঠকৰ কিছু আলোকচিত্ৰ ইতিমধ্যে সামাজিক মাধ্যমত ভাইৰেল হৈ পৰিছে।
🔹 প্ৰাৰ্থীত্বৰ বাবে বহুমুখী দাবী
নতুন চামগুৰি বিধানসভা সমষ্টিত পুৰণি চামগুৰিৰ ৯ টা পঞ্চায়তৰ বিপৰীতে ৰূপহীহাটৰ ১১ টা পঞ্চায়ত অন্তৰ্ভুক্ত কৰা হোৱাৰ ফলত বহু কংগ্ৰেছী নেতা-কৰ্মীয়ে নিজৰ প্ৰাৰ্থীত্বৰ দাবী জানিবলৈ আৰম্ভ কৰিছে।
🔹 পিতা-পুত্ৰৰ বিৰুদ্ধে ক্ষোভ
ৰকিবুল হুছেইন আৰু তেওঁৰ পুত্ৰৰ বিৰুদ্ধে ক্ষোভ প্ৰকাশ কৰি বহু নেতা-কৰ্মীয়ে চামগুৰিৰ আসনত প্ৰাৰ্থীত্ব বিচাৰিবলৈ ইতিমধ্যে সিদ্ধান্ত লৈছে বুলি সূত্ৰই জানিব দিছে।
এই পৰিস্থিতিয়ে কংগ্ৰেছৰ ভিতৰত নতুনকৈ দঙি লৈছে দলীয় কলহ আৰু আগন্তুক নিৰ্বাচনত কংগ্ৰেছৰ ভিতৰত এক নতুন শক্তিৰ উদ্ভৱ ঘটাৰ সম্ভাৱনা দেখা দিছে।
