গোৰেশ্বৰত চোৰৰ উপদ্ৰৱ। ৰাসৰ অনুষ্ঠান চলি থকাৰ মাজতে গোৰেশ্বৰৰ টাউন এলেকাৰ কেবাখনো দোকানত চোৰে অভিযান চলালে যোৱা নিশা।
গোৰেশ্বৰ-২৪নৱেম্বৰঃ
অৱশ্যে ৰাসৰ বাব মানুহৰ আহ-যাহৰ বাবে চোৰে কোনো এখন ব্যৱসায়িক প্ৰতিষ্ঠানৰ পৰা বিশেষ বয়-বস্তু চুৰি কৰিবলৈ সক্ষম নহ’ল। গোৰেশ্বৰ বাছষ্টেণ্ডৰ সমীপৰ পাকঘৰ ৰেষ্টেুৰেণ্টত নিশা চোৰে অভিযান চলাই। চোৰে দুৱাৰৰ হক কাটি ভিতৰত প্ৰৱেশ কৰে যদিও কোনো বস্তু চুৰি কৰি নিবলৈ সক্ষম নহ’ল। চোৰে বাহিৰত এডাল দীঘল ৰড আৰু ভিতৰত এডাল স্ক্ৰু ড্ৰাইভাৰ এৰি থৈ যায়। চোৰে আনকি টকা থকাৰ সন্দেহত কেচ কাউন্টাৰৰ আটাইকেইটা ড্ৰয়াৰ খুলি চায় যদিও পাকঘৰ ৰেষ্টুৰেন্টৰ স্বাত্বাধিকাৰীয়ে তাত নগদ ধন ৰখা নাছিল বুলি জনায়। ইপিনে সোনজুৰি চ’কৰো দুখনকৈ দোকানত চোৰে চুৰি কাৰ্যৰ চেষ্টা চলাই। সোনজুৰি চ’কত থকা এখন চাহ দোকান আৰু ব্ৰয়লাৰ দোকানৰ তলা ভাঙে। চাহ দোকানৰ পৰা কোনো সামগ্ৰী চুৰি হোৱা নাই যদিও ব্ৰয়লাৰ দোকানৰ পৰা বিক্ৰী কৰিবলৈ ৰখা লোকেল মুৰ্গী কেবাটাও চুৰি কৰি নিয়ে।
