গণৰাজ্য দিৱসত মুখ্যমন্ত্ৰীৰ বিশেষ সুখবৰ: নতুন পেঞ্চন আঁচনিৰ শুভাৰম্ভ ঘোষণা
গণৰাজ্য দিৱসৰ পৱিত্ৰ দিনটোত অসমৰ মুখ্যমন্ত্ৰী হিমন্ত বিশ্ব শৰ্মাই ৰাজ্যৰ নতুন কৰ্মচাৰীসকলৰ বাবে এটি দুখনীয়া সুখবৰ কঢ়িয়াই আনিলে। মুখ্যমন্ত্ৰীয়ে ঘোষনা কৰিলে যে ২০২৫ চনৰ ১ এপ্ৰিলৰ পৰা ৰাজ্য চৰকাৰৰ নতুন কৰ্মচাৰীসকলৰ বাবে নতুন পেঞ্চন আঁচনি ইউনিফাইড পেঞ্চন স্কীম প্ৰৱৰ্তন কৰা হ’ব।
নতুন এই আঁচনিৰ লক্ষ্য হ’ল কৰ্মচাৰীৰ জীৱনৰ পৰৱৰ্তী পৰ্যায়ত আৰ্থিক নিৰাপত্তা আৰু স্থায়ীত্ব সুনিশ্চিত কৰা। মুখ্যমন্ত্ৰীয়ে ব্যক্ত কৰে যে এই পদক্ষেপ নতুন প্ৰজন্মৰ কৰ্মচাৰীসকলৰ বাবে উন্নত এক সামাজিক সুৰক্ষা প্ৰদান কৰিব।
ইউনিফাইড পেঞ্চন স্কীম কেনেকৈ কাৰ্যকৰী হ’ব আৰু ইয়াৰ সুবিধাসমূহ কেনেকৈ লাভ কৰিব পাৰি, সেই বিষয়ে চৰকাৰে শীঘ্ৰেই বিস্তৃত তথ্য প্ৰকাশ কৰিব বুলি জানিব পৰা গৈছে।
এই সিদ্ধান্ত ৰাজ্যৰ কৰ্মচাৰীসকলৰ মাজত যথেষ্ট আশাবাদ বঢ়াই তুলিছে। মুখ্যমন্ত্ৰীয়ে গুৱাহাটীৰ ৰাষ্ট্ৰীয় পতাকা উত্তোলনৰ সময়ত এই ঘোষণা কৰি কয় যে এই নতুন ব্যৱস্থা অসম চৰকাৰে উন্নত সুৰক্ষা আৰু উন্নয়নৰ দিশত আগবাঢ়ি যাবলৈ কৰা এখন গুৰুত্বপূৰ্ণ পদক্ষেপ।
ৰাজ্যৰ সাধাৰণ জনতাৰ লগতে নতুন কৰ্মচাৰীসকলে মুখ্যমন্ত্ৰীৰ এই পদক্ষেপৰ প্ৰশংসা কৰিছে আৰু আশা কৰিছে যে ইয়াৰ ফলে ৰাজ্যৰ আৰ্থিক পৰিৱেশ অধিক শক্তিশালী হ’ব।
