খানাপাৰাৰ পশুধন মেলাত উপস্থিত মন্ত্ৰী অতুল বৰা
মেলাখনত পশুপালন খণ্ডত আধুনিকীকৰণ আৰু উদ্ভাৱনী পদ্ধতিৰে উত্পাদনশীলতা বৃদ্ধি কৰাৰ বিভিন্ন দিশৰ ওপৰত আলোকপাত কৰা হয়। মন্ত্ৰী অতুল বৰাই মেলাখনৰ উদ্বোধনী ভাষণত পশুপালন খণ্ডত ৰাজ্য চৰকাৰৰ বিভিন্ন উদ্যোগৰ বিষয়ে আলোচনা কৰে। বিশেষকৈ ক্ষুদ্ৰ আৰু সৰু কৃষক-পশুপালকৰ আয় বৃদ্ধি কৰাৰ লক্ষ্যৰে হাতত লোৱা আঁচনিবোৰৰ বিষয়ে তেওঁ উল্লেখ কৰে।
মন্ত্ৰীগৰাকীয়ে পশুপালন খণ্ডক ৰাজ্যৰ অৰ্থনৈতিক শক্তিৰ এক গুৰুত্বপূর্ণ অংগ হিচাপে বিবেচনা কৰি পশু সম্পদৰ উন্নয়নলৈ চৰকাৰে আগুৱাই যাব বুলি আশ্বাস দিয়ে। এই মেলাই পশুপালক আৰু সংশ্লিষ্ট উদ্যোগৰ লোকসকলৰ মাজত পৰস্পৰ জ্ঞান আৰু অভিজ্ঞতা বিনিময়ৰ এক মঞ্চ সৃষ্টি কৰিছে।