কুমাৰীকাটাত এম এল এ কাপ ভলীবল প্ৰতিযোগিতাৰ সামৰণি
উত্তৰ প্ৰদেশ ওৱাৰিওৰ চূড়ান্ত বিজয়ী
তামুলপুৰ,০৬ ফেব্ৰুৱাৰী-
তামুলপুৰ জিলাৰ কুমাৰীকাটাত ৪ ক্ষেব্ৰুৱাৰীৰ পৰা দুদিনীয়াকৈ অনুস্থিত হোৱা এম এল এ কাপ ভলীবল প্ৰতিযোগিতাৰ কালি নিশা সফল সামৰণি পৰে ৷ কে’বাসহস্ৰাধিক দৰ্শকৰ উপস্থিতিত কালি নিশা অনুস্থিত তীব্ৰ উত্তেজনাপূৰ্ণ চূড়ান্ত খেল খনত উত্তৰ প্ৰদেশ ওৱাৰিওৰে অসম ৰাজ্যিক বিদ্যুৎ পৰিষদ ভলীবল দলক ৩-১ চেটত পৰাস্ত কৰি চূড়ান্ত খিতাপ দখল কৰে ৷
তামুলপুৰৰ বিধায়ক জলেন দৈমাৰীৰ বিশেষ উদ্যোগত অনুস্থিত আমন্ত্ৰণ মূলক দিবা নৈশ ভলীবল প্ৰতিযোগিতাৰ চুড়ান্ত খেলখন উদ্ধোধন কৰে তামুলপুৰ জিলাৰ আয়ুক্ত পংকজ চক্ৰবৰ্তীয়ে ৷ বিশিষ্ট অতিথি হিচাপে উপস্থিত থাকে বিটিআৰৰ উপ-মুখ্য কাৰ্যনিৰ্বাহক সদস্য গোবিন্দ বসুমতাৰী,অধ্যক্ষ কাতিৰাম বড়ো,এমচিএলএ পবিত্ৰ কুমাৰ বড়ো, মনোনীত এমচিএলএ হেমন্ত কুমাৰ ৰাভা লগতে কে’বাগৰাকী বিশিষ্ট লোক ৷ খেলৰ অন্তত বঁটা বিতৰণ কৰে তামুলপুৰৰ বিধায়ক জলেন দৈমাৰীয়ে ৷ বিজয়ী দলে লাভ কৰে ট্ৰফী, এটিকৈ স্মাৰক সহ ত্ৰিশ হাজাৰ নগদ ধন ৷ বিজিত দলক প্ৰদান কৰা হয় ট্ৰফী,নগদ বিশ হাজাৰ টকা ৷ প্ৰতিযোগীতাৰ শ্ৰেষ্ঠ খেলুৱৈৰ বটা লাভ কৰে বিদ্যুৎ পৰিষদৰ প্ৰশান্ত বায়ণে ৷ উল্লেখ্য যে তামুলপুৰৰ বিধায়ক জলেন দৈমাৰীৰ বিশেষ উদ্যোগত প্ৰথম বাৰৰ বাবে অনুস্থিত ভলীবল প্ৰতিযোগীতা খনিত ৰাজ্য তথা ৰাজ্যৰ বাহিৰৰ আগশাৰীৰ আঠটাকৈ দলে অংশ গ্ৰহণ কৰে ৷
