কাশ্মীৰৰ ডাল লেকত এতিয়াৰে পৰা Uber সেৱা!
কাশ্মীৰৰ শ্ৰীনগৰৰ সুপ্ৰসিদ্ধ ডাল লেকত পৰ্যটকসকলৰ বাবে বিশেষ সুবিধা মুকলি কৰিছে Uber কৰ্তৃপক্ষই। আজিৰে পৰা ডাল লেকত চলা পৰম্পৰাগত শ্বিকাৰা নৌকাবোৰত ‘Uber Shikara’ নামেৰে নতুন সেৱা আৰম্ভ কৰা হৈছে।
এই পদক্ষেপে পৰ্যটকৰ যাত্ৰা সহজ আৰু সুকীয়া কৰাৰ লগতে স্থানীয় নৌকা চালকসকলৰ বাবে অধিক আৰ্থিক সুবিধা অৰ্জন কৰাৰ সুযোগ সৃষ্টি কৰিব। ‘Uber Shikara’ ব্যৱস্থাৰ জৰিয়তে পৰ্যটকসকলে নিজৰ স্থানত থাকি মোবাইল এপৰ যোগেদি ডাল লেকৰ শ্বিকাৰা বুকিং কৰিব পাৰে। ডাল লেকৰ অপৰূপ সৌন্দৰ্য উপভোগ কৰাৰ সময়ত এতিয়া পৰ্যটকে অধিক সুবিধা আৰু আৰাম লাভ কৰিব।
ডাল লেকত শ্বিকাৰা ভ্ৰমণ কাশ্মীৰ ভ্ৰমণৰ অন্যতম বিশেষত্ব। পৰ্যটনৰ অভিজ্ঞতা অধিক স্মৰণীয় কৰাৰ লক্ষ্যেৰে Uber কর্তৃপক্ষই এই নতুন সেৱা মুকলি কৰিছে। স্থানীয় পৰিসৰত আধুনিক প্ৰযুক্তিৰ সংমিশ্ৰণে কাশ্মীৰৰ পৰ্যটনৰ নতুন দিশ মুকলি কৰাৰ আশা কৰা হৈছে।
আপোনাৰো যদি কাশ্মীৰ ভ্ৰমণৰ ইচ্ছা থাকে, তেন্তে এতিয়া Uber Shikaraৰ সহায়ত ডাল লেকৰ মনোমোহা দৃশ্য উপভোগ কৰক!
