উত্তৰ পূব সীমান্ত ৰেলৱেৰ দ্বাৰা ট্ৰেক ৰক্ষণাবেক্ষণত অভিনৱ ব্যৱস্থাৰ প্ৰৱৰ্তন
মালিগাওঁ, ০৬ ডিচেম্বৰ, ২০২৪:
ভাৰতত পোন প্ৰথমবাৰৰ বাবে উত্তৰ-পূব সীমান্ত ৰে’লৱেই পইণ্টছ আৰু ক্ৰছিঙৰ দ্ৰুত ৰক্ষণাবেক্ষণৰ বাবে হাইড্ৰা ক্ৰেন আৰু বেক- হ’ লোডাৰৰ দৰে ৰোড মেচিনাৰী ব্যৱহাৰ কৰাৰ এক অভিনৱ প্ৰণালী আৰম্ভ কৰিছে, যি হৈছে ৰে’লৱে নেটৱৰ্কৰ গুৰুত্বপূৰ্ণ সৰঞ্জাম- যিয়ে ৰে’লসমূহক ট্ৰেক পৰিৱৰ্তন আৰু এটা ট্ৰেকৰ পৰা আন এটা ট্ৰেকলৈ সুৰক্ষিতভাৱে পাৰ হোৱাত সুবিধা প্ৰদান কৰে। ২০২৪ চনৰ ২৯ নৱেম্বৰত গুৱাহাটীৰ মালিগাঁৱত অৱস্থিত পাণ্ডু মেচিন চাইডিঙত পৰীক্ষামূলক ভিত্তিত সফলতাৰে সম্পন্ন কৰা এই উদ্ভাৱনে ৰে’লপথৰ সুৰক্ষা আৰু সময়মতে ৰক্ষণাবেক্ষণ নিশ্চিত কৰাৰ ক্ষেত্ৰত এই সংমণ্ডলৰ প্ৰয়াসত এক গুৰুত্বপূৰ্ণ সফলতা প্ৰদৰ্শন কৰে।
ভাৰতীয় ৰে’লৱেত ট্ৰেকৰ ৰক্ষণাবেক্ষণ সাধাৰণতে ট্ৰেক মেচিনৰ জৰিয়তে সম্পন্ন কৰা হয়, যি ট্ৰেকৰ দক্ষ আৰু সঠিক ৰক্ষণাবেক্ষণ নিশ্চিত কৰি ৰে’লৰ সুৰক্ষা বৃদ্ধিত গুৰুত্বপূৰ্ণ ভূমিকা পালন কৰে। বৰ্তমান, ভাৰতীয় ৰে’লৱেত ১৬৮৪ টা ট্ৰেক মেচিন কৰ্মৰত অৱস্থাত আছে আৰু ৩০১ টা অতিৰিক্ত মেচিন যোগানৰ প্ৰক্ৰিয়াত আছে। সেইবোৰৰ ভিতৰত আছে বেলাষ্ট ক্লিনিং মেচিন, টেম্পিং মেচিন, ডাইনামিক ট্ৰেক ষ্টেবিলাইজাৰ, মাক ডিচপোজাল ইউনিট আৰু আন কেইবাটাও মেচিন। ভাৰতীয় ৰে’লৱেলৈ ট্ৰেক মেচিনৰ মুখ্য যোগানকৰ্তা প্লাছাৰ ইণ্ডিয়াই ভাৰতীয় আৰু বিশ্বৰ বজাৰৰ বৰ্ধিত প্ৰয়োজনীয়তা পূৰণ কৰাৰ বাবে ২০১৯ চনত গুজৰাটৰ কাৰ্জানত এটা নতুন উৎপাদন কাৰখানা স্থাপন কৰিছে। মাননীয় প্ৰধানমন্ত্ৰীৰ “মেক ইন ইণ্ডিয়া” আৰু “আত্মনিৰ্ভৰ ভাৰত”ৰ মুখ্য পদক্ষেপৰ সৈতে সংগতি ৰাখি প্লাছাৰ ইণ্ডিয়াই কেৱল ঘৰুৱা উৎপাদনত থলুৱা সমল বৃদ্ধি কৰাই নহয়, লগতে আমেৰিকা যুক্তৰাজ্য, কানাডা আৰু অষ্ট্ৰেলিয়াৰ দৰে দেশলৈ ৰপ্তানি কৰাও আৰম্ভ কৰিছে।
পইণ্টছ আৰু ক্ৰছিং ৰক্ষণাবেক্ষণৰ বাবে ৰোড মেচিনাৰী ব্যৱহাৰৰ অভিনৱ পদ্ধতিয়ে ট্ৰেক মেচিনসমূহৰ বাবে শক্তিৰ এক মাল্টিপ্লায়াৰ হিচাপে কাম কৰাৰ প্ৰতিশ্ৰুতি দিয়ে। নিখুঁত পৰিকল্পনা আৰু লজিষ্টিক প্ৰত্যাহ্বানসমূহ অতিক্ৰম কৰাৰ ওপৰত গুৰুত্ব প্ৰদানৰ সৈতে, এই পদ্ধতিটোৱে বেলাষ্ট কুশ্বন বৃদ্ধি কৰা আৰু ট্ৰেকৰ স্থিতিশীলতা উন্নত কৰাত উল্লেখনীয় সফলতা প্ৰদৰ্শন কৰিছে। ৰোড মেচিনাৰীৰ সহজ উপলব্ধতা আৰু কম সুগমতাৰ স্থানত নিয়োজিত কৰাৰ সামৰ্থ্যৰ বাবে, এই প্ৰণালীয়ে উত্তৰ পূব সীমান্ত ৰে’লৱেৰ অধিক্ষেত্ৰৰ বিভিন্ন ভিতৰুৱা আৰু দূৰৱৰ্তী স্থানত বিয়পি থকা বৃহৎ সংখ্যক পইণ্টছ আৰু ক্ৰছিঙৰ দ্ৰুত ৰক্ষণাবেক্ষণ নিশ্চিত কৰাৰ বাবে ট্ৰেক মেচিনসমূহ অধিক বৃদ্ধি কৰিব পাৰি।
এই অগ্ৰণী প্ৰয়াসে ৰে’ল পৰিচালন আৰু আন্তঃগাঁথনি ৰক্ষণাবেক্ষণত সুৰক্ষা, দক্ষতা আৰু নিৰ্ভৰযোগ্যতা উন্নত কৰাৰ বাবে অত্যাধুনিক পদ্ধতি গ্ৰহণ কৰাৰ প্ৰতি উত্তৰ পূব সীমান্ত ৰেলৱেৰ প্ৰতিশ্ৰুতিৰ প্ৰতিফলন ঘটায়, যি সমগ্ৰ দেশৰ ৰে’ল সংমণ্ডলসমূহৰ বাবে এক মাপকাঠি স্থাপন কৰিছে।
