উত্তৰ পূব সীমান্ত ৰেলৱেৰ দ্বাৰা সুৰক্ষা বৃদ্ধি কৰাৰ অৰ্থে লোকো পাইলটসকলৰ বাবে অডিঅ-ভিজুৱেল ছেকচনেল ৰোড লাৰ্ণিং প্ৰশিক্ষণৰ পদক্ষেপ
মালিগাওঁ, ২৯ জানুৱাৰী, ২০২৫:
উত্তৰ পূব সীমান্ত ৰেলৱেৰ প্ৰধান মুখ্য বৈদ্যুতিক অভিযন্তা শ্ৰী সন্দীপ কুমাৰৰ নেতৃত্বত বিকশিত, অডিঅ’-ভিজুৱেল ছেকচনেল এলআৰ ভিডিঅ’সমূহ ৰে’লপথ, ষ্টেচন লেআউট, চিগনেল প্লেচমেণ্ট, গ্ৰেডিয়েণ্ট, কাৰ্ভ আৰু সেতুসমূহৰ বাস্তৱ-সময়ৰ ভিত্তিত ফুটেজ উপস্থাপন কৰি পদ্ধতিগত তথ্য আৰু ব্যৱহাৰিক অভিজ্ঞতাৰ মাজৰ ব্যৱধান দূৰ কৰাৰ বাবে প্ৰস্তুত কৰা হৈছে। লোকোমোটিভত সংলগ্ন ইন-হাউচ কেমেৰা ব্যৱহাৰ কৰি ধৰি ৰখা এই ভিডিঅ’সমূহে লোকো পাইলটসকলক ৰেল পৰিচালনৰ পূৰ্বে তেওঁলোকৰ পথৰ জটিলতাৰ সৈতে পৰিচিত হ’বলৈ সক্ষম কৰে। নিৰ্ধাৰিত ভ্ৰমণৰ সীমিত সময়ৰ ভিতৰত বৃহৎ ষ্টেচন, গুডছ আৰু পেছেঞ্জাৰ য়াৰ্ডক দিশ নিৰ্দেশ কৰাৰ ক্ষেত্ৰত লোকো পাইলটসকলে সন্মুখীন হোৱা প্ৰত্যাহ্বানসমূহ স্বীকাৰ কৰি, উত্তৰ পূব সীমান্ত ৰেলৱেই খণ্ডগত শিক্ষণৰ বাবে এক দক্ষ আৰু সু-সংগঠিত দৃষ্টিভংগী প্ৰদান কৰাৰ অৰ্থে এই প্ৰণালীটো বিকশিত কৰিছে। ভিডিঅ’সমূহ নিয়মীয়াকৈ স্ক্ৰু লবীত স্ক্ৰীণৰ জৰিয়তে প্ৰদৰ্শন কৰা হয়, যাৰ ফলত ব্যাপক প্ৰৱেশ যোগ্যতা আৰু নিৰন্তৰ শিক্ষণ নিশ্চিত হয়।
উত্তৰ পূব সীমান্ত ৰেলৱেৰ প্ৰতিশ্ৰুতিৰ সৈতে সংগতি ৰাখি ওপৰোক্ত পদক্ষেপটো প্ৰশিক্ষণ পদ্ধতিৰ আধুনিকীকৰণ আৰু উন্নত ৰে’ল পৰিচালনৰ দিশত ইয়াৰ কৰ্মশক্তিক অত্যাধুনিক সঁজুলিৰে সজ্জিত কৰা হৈছে। এই পদক্ষেপে লোকো পাইলটসকলক উন্নত প্ৰস্তুতি, ৰেল পথৰ উন্নত দৃশ্যমানতা আৰু বৰ্ধিত সুৰক্ষা সজাগতাৰ সৈতে শক্তিশালী কৰাৰ বাবে ৰে’লৱেৰ চলিত প্ৰচেষ্টাকেই প্ৰতিফলিত কৰে, যি উত্তৰ পূব সীমান্ত ৰেলৱে নেটৱৰ্কত ৰে’লৰ সুগম আৰু সুৰক্ষিত পৰিচালনত অৰিহণা যোগায়।