অৰুণাচলৰ টাৱাঙত ১৪ হাজাৰ ফুট উচ্চতাত ১০০ মিটাৰ দৈৰ্ঘৰ ত্ৰিৰংগাৰ সৈতে স্বাধীনতা দিৱস উদযাপন 🇮🇳🏔️
স্বাধীনতা দিৱসৰ গৌৰৱময় মুহূৰ্ত উদযাপন কৰিবলৈ অৰুণাচল প্ৰদেশৰ টাৱাঙৰ চুনা অঞ্চল আজি এক অনন্য দৃষ্টান্ত স্থাপন কৰিলে। সমুদ্ৰপৃষ্ঠৰ পৰা প্ৰায় ১৪ হাজাৰ ফুট উচ্চতাত ভাৰতীয় সেনা, ইণ্ডো-টিবেটান বর্ডাৰ পোলিচ (ITBP), স্থানীয় গাঁওবাসী, আৰু বিদ্যালয়ৰ ছাত্ৰ-ছাত্ৰী সকলে একেলগে ১০০ মিটাৰ দৈৰ্ঘৰ ত্ৰিৰংগা লৈ সমদল উলিয়াই শৌৰ্য্য, ঐক্য আৰু দেশপ্ৰেমৰ জাঁকজমক প্ৰদৰ্শন কৰিলে।
উচ্চতম পৰ্বতৰ তলত কঁপনি ধৰা ঠাণ্ডাৰ মাজতো দেশৰ প্ৰতি ভালপোৱা আৰু গৰ্বৰ জুইয়ে উষ্ণ কৰি তুলিলে অনুষ্ঠানস্থল। স্থানীয় লোকসকলৰ সাংস্কৃতিক নৃত্য আৰু দেশাত্মবোধক সংগীতৰ মাজত অনুষ্ঠিত এই ৰঙীন সমাৰোহত অংশগ্ৰহণকাৰী সকলে ভাৰতীয় সুৰক্ষাবাহিনীৰ সাহসিকতা আৰু সীমান্ত সুৰক্ষাৰ প্ৰতি প্ৰতিশ্ৰুতি পুনৰ দৃঢ় কৰিলে।
টাৱাঙত অনুষ্ঠিত এই বিশেষ উদযাপনে সীমান্ত অঞ্চলত বসবাসকাৰী আৰু সেনা-জৱানসকলৰ মাজত ভ্রাতৃত্ব আৰু একতাৰ অনুভূতি অধিক শক্তিশালী কৰিলে।