অসম জাতীয়তাবাদী যুৱ ছাত্ৰ পৰিষদৰ তামুলপুৰ উচ্চতৰ মাধ্যমিক বিদ্যালয়ৰ শাখা সমিতি গঠনঃ
তামুলপুৰ ,১০ জুনঃ
তামুলপুৰ জিলাৰ অগ্ৰণী শিক্ষানুষ্ঠান তামুলপুৰ উচ্চতৰ মাধ্যমিক বিদ্যালয়ত সোমবাৰে অসম জাতীয়তাবাদী যুৱ-ছাত্ৰ পৰিষদৰ এখন প্ৰতিনিধিত্বমূলক সভাত তামুলপুৰ আঞ্চলিক সমিতিৰ অন্তৰ্গত তামুলপুৰ উচ্চতৰ মাধ্যমিক বিদ্যালয়ৰ শাখা সমিতি গঠন কৰা হয়। অসম জাতীয়তাবাদী যুৱ ছাত্ৰ পৰিষদৰ তামুলপুৰ জিলা সমিতিৰ উপ সভাপতি ভূৱনেশ্বৰ পাটোৱাৰী,সাধাৰণ সম্পাদক গগণ বেজবৰুৱা আৰু সাংগঠনিক সম্পাদক সোনেশ্বৰ কলিতা পৰ্যবেক্ষক হিচাপে উপস্থিত থকা প্ৰতিনিধি সভাত সভাপতিত্ব কৰে মনোৰঞ্জন পাটোৱাৰীয়ে। প্ৰতিনিধি সভাত
সৰ্বসন্মতি মৰ্মে ধ্ৰুৱজ্যোতি কলিতাক সভাপতি আৰু নিশান্ত কলিতাক সাধাৰণ সম্পাদক হিচাপে লৈ অসম জাতীয়তাবাদী যুৱ ছাত্ৰ পৰিষদৰ অন্তৰ্গত তামুলপুৰ উচ্চতৰ মাধ্যমিক বিদ্যালয়ৰ এখন শক্তিশালী শাখা সমিতি গঠন কৰা হয় ।###
