অসম কংগ্ৰেছত বৃহৎ সাংগঠনিক সালসলনিৰ সম্ভাৱনা — টীম গৌৰৱৰ নতুন ৰূপ শীঘ্ৰেই?
অসম প্ৰদেশ কংগ্ৰেছত অচিৰেই সম্ভৱ হৈছে বৃহৎ সাংগঠনিক পুনৰ্গঠন। সদ্য নিযুক্ত সভাপতি গৌৰৱ গগৈয়ে ইতিমধ্যে ৭৮ জন পৰ্যৱেক্ষক নিযুক্ত কৰি দলটোৰ ভিতৰুৱা ঢাল-সজাৰ সূচনা কৰিছে।
🗓️ শনিবাৰে কৰা এই নিযুক্তিক কংগ্ৰেছৰ আগন্তুক ৰণকৌশলৰ বাবে এক গুৰুত্বপূৰ্ণ পদক্ষেপ হিচাপে বিবেচনা কৰা হৈছে।
📣 সভাপতি গগৈয়ে ঘোষণা কৰিছে যে, দলৰ পৰৱৰ্তী কাৰ্যপন্থা আৰু ভবিষ্যৎ দিশ সন্দৰ্ভত ১১ জুলাইত বিতং ৰূপত সদৰী কৰা হ’ব।
এই পদক্ষেপৰ পটভূমিত আছে কংগ্ৰেছৰ ৰাষ্ট্ৰীয় পৰ্যায়ত চলি থকা ‘সংগঠন সৃজন অভিযান’ — যাৰ অধীনত বিভিন্ন ৰাজ্যত দলটোৰ গঠন-গাঁথনি দৃঢ় কৰা হৈছে। অসমতো এই পৰিকল্পনাৰ এক প্ৰতিফলন হোৱাৰ সম্ভাৱনা প্ৰবল।
🔁 যদি এই অভিযান অসমতো কাৰ্যকৰীভাৱে ৰূপায়ণ হয়, তেন্তে অসম কংগ্ৰেছৰ ভিতৰুৱা নেতৃত্ব, দায়িত্ব বণ্টন আৰু প্ৰান্তিক সংগঠনসমূহত দেখা যাব পাৰে এক স্পষ্ট পৰিৱৰ্তন।
➡️ এই পৰিবর্তনৰ জৰিয়তে গঠিত হ’ব পাৰে এটা নতুন, সজাগ আৰু গতিশীল টীম গৌৰৱ, যিয়ে ২০২৬ বিধানসভা নিৰ্বাচনৰ দিশে দলটোক নতুন গতি দিবলৈ সক্ষম হ’ব।
🔍 বৰ্তমান সময়ত কংগ্ৰেছৰ বাবে এই সাংগঠনিক পুনৰজাগৰণ অত্যন্ত প্ৰয়োজনীয়। টীম গৌৰৱৰ নেতৃত্বত দলটোৱে কি নতুন দিশ লৈ আগবাঢ়ে, সেয়া সময়েই ক’ব।